JULY 09 – Ijekiya a Dirnna!

“E Gamangtung, hen labyule garbertam, hen janardi lingan do marid uggaran batte temang-Nam yante gamle hale yerai, do ganijgij-ling-Nam itente bangsa antate yante gamle lumle yerai, antate Aman nami ayima. Bar Ijekiya karran edaneten” (2 Raja 20:3).

Nami, anlen Raja Ijekiya a dernna abmele a galamba. Anin aboi milgal bohoi a raja Juda desanlingan dakule. Bokudi moloi minhum ayam anin raja dele. Anin aboi yago saring janardidage do lagad raja Juda desalingan dakule. “Jihuba na ranadu-hen” Ijekiya a garamgam.

Iten abmele Raja Ijekiya a dernna dakule? Anin kundai puranji adnitsumad do kuddub kundai purmaranji bar kanuban a tiyleji a darakuna abaldungle s’idle. Kun ayam Israel maranji j’adan purleji kun ate Mojes batte anabdzndele, kun ate anin abaldangle. Kun kudduban saring anin mandranji a d’ong sarigoi abguguben do a senkenraben abmele anin janardi do Janggardan batte a senkzraben asan rukuete.

Kun sattan ted. Anin Israel maranji a d’ong abmainaete ayegan a mandranji bigdan bagdan deleji do karalogi anab-milggal-bagu dinna anelai-abduran. 2 Birinda 30 a surdaling, anin dirnna batte jajzn Kitungan a d’ong timyimle.

Bibolan gamte, “Ijekiya alumete a bara Juda lingan, do a Kitungan atimangba iten bangsa do sakai do jardi kun ate lumeten” (2 Birinda 31:20). Atigoi, a mandrengna lingan janangan kanalkalan dakule. Kun ayam lingan Ijekiyan asun dean dele kahid ambrij dele. Jisaya anin adamban iyan iyle gameten, “Aman singmar-namji apsele kuddub bangsale oskaia, Iten asan gamalenden aman kahidtam, abm’engam” (2 Raja 20:1).

Raja Ijekiya kun abirna amdangle adnang a j’een aldungle.”E Gamangtung, hen labyule garbertam, hen janardi lingan do marid uggaran batte temang-Nam yan gamle hale yerai, do ganijgij-ling-Nam itente bangsa antate yan gamle lumle yerai, antate Aman nami ayima. Do Ijekiya karran edaneten” (Jisaya 38:3).

Raja Ijekiya a dirnna batte Kitungan a uggaran lingan himnete. Kitungan ayimeten yan a janardi do bangsa raja Ijekiya a mandrengna dakule gamle. Anin Ijekiya a d’ong gamete, “Hen ganarber-nam amdanglai. Bar Hen amadda-namji gijlai. Gija, Hen daningyim ayam-nam miggal-yagi minhum abatengtai” (Jisaya 38:5). Do a mandrengna abatengeten.

Tanahimdam Kitungan a onagji, agante amben janardi do lanagad uggaran batte Kitungan amangba a dakute, Anin garbeben amdangte. Anin amadda-namji gosodte. Mandrengnanam ja abatengte. Bibolan gamte, “Anin Israel a birindan amangban Anin asuyeman do janardin ayimeten; ordaran a kuddub tannod saring mandranji Kitung-len anablun gijleji” (Sanenken 98:3).

Kinolbe absele: “Bindo Daudo a d’ong a timyimben asan Hen akkaddabnai, orde anin amangban sanibdaiber-Hen er bojoraige adnabmeai” (Sanenken 89:33).