June 19 – Aman tanolbad-henji aburre!

“E Gamangtung, hen a jardin na boata-Nam;……..Aman tanolbad-henji aburre” (Sanenken 116:16).

Kitungan tanolbadanji saring aburlangte. Bibolan gamte, “Anin apaiyiten; anin palang uggar maranji a panaranji a bolongben asan, koijo maranji a d’ong anamdungberan, bar tanolbad maranji a d’ong karoijosing saring anurberan a oblengben asan” (Jisaya 61:1).

Agante Jisun Kristu bo inslon migal-turu minum sikoija sonuman a tanolbadan batte dakule a inslon a d’ong sonuman saring abundrengle, antatabdong Kitungan a d’ong abgugule. Oo. Kun ate sonuman a tanolbadan dakule. Nami ja, sonuman ateng mandranji a d’ong tolbale tonajen batte. Bindo, agante a Onan gamte omdrenga, a jardina anin omdrengte (Jon 8:36). Titte tanolabadan adead ayegan ate Jisun Kristu anbundrengad.

Jajingangte a mandranji, asun aboi tanolbadan ambrij. Asun a d’onganji ladladle dakute. Kan aboi ja tanolbadan, tanolbad lingan adakutenji amandra Kitungan amangba anadsuidamneji. Bo inslon migal-turu minum sikoija sonuman a tanolbadan batte dakule. Anin ateng lebun korsole bindo adsukaed. Bindo anin agante Jisun amangba yiraite, do tanolbadan anuran dele. Kitungan a ranapti ladsole a d’onglingan do sanamangan dele.

Nikodimas janang tanolbadan a dele abirna. Anin aboi parisinji amang lingan bo denne mar dakule, kun asan anin Jisun a d’ong sandul-le a raptied. Bigdranji a galamenji adnang togalan Jisun amangba yiraite (Jon 3:2). Nami ja, ateng mandranji, janadin a galamben asan saiteji bindo sarebasingan tanolbad-dage a dele batte aninjji Kitungan a d’ong gankile do janadin batte senkenrale abraptieji.

Buten buten ate er dirnna dage tanolbadan deleji. Aninji oblingteji bindo er dirnna batte, bar aninji kitungan a rumang bara lumteji. Lajaran kahidle do Jisun adyermengeten. Bindo a tonanagji er dirnnadage dakuleji. Mary, gamete, kitung amang bogad tinne dakulamanden, buhang-hen pede a kahidebading” (Jon 11:32).

Jisun turmuduba ayiraitenag adnang janang, Martha lajaran a tonan gamele, “E Gamang, anin andreng s’ole, iten asan gamlenden nami unji dinna dele” (Jon 11:39). Bindo, Jisun surda sandrale gamete, “E lajar, dungle yerai”, ayengan a mandra kahidle anin dungle yiraite. Bindo, anin a j’engan a s’inji tarzltzllung kaban batte anjani dean dele. Jisun gametenji, “Anin a d’ong urba do anin yerete” (Jon 11:43,44).

Tanahimdam Kitungan a onagji, “tanolbadan urba” a gamben apsele Kitungan d’ong-ben nami onoding tiybete.

Kinolbe absele: “Bar amben janardin a galamte, do janardin aburnataben” (Jon 8:32).