Sep 22 – Ardodlen a Murkundardangan!

“Amben iten a ogandite do? Bogad buteja a mandran abo sua murkundardanji dakulenden, bar aninji amang saring aboi ardodlenden, iten do, anin anta unji kurdi miggal-gunji murkundardanji baru lingan omda-an omdale ardod murkundardan a d’ong a sanilben asan adyrre po?” (Mattiu 18:12).

Kitungan a sanengsengan bo bangsadage do rumangdage, a pasijanji a rabraben orde a sanunaben asan oskailen dakuten. Kan ambrij, anlen gijtabe Kitungan appaitai togidage a Kurtanji do gardikuranji a boantan Elisan a d’ong arabben.

Elisan bo sanna baran lumle mengneten, do bo boantan adamban dakule. Rajan Syria amangban. “Kan asan anin kun a darakunaban kurtanji, gardikuranji, do ateng sanu ompu maranji appaieten. Bar aninji togalan adnang yeran yerre gardan a yaryar dakulenji”. Kan ate gijangijle, Eliya a boantan rumangle a j’e-lingan do buten rabte syria a rajan a s’in-lingan saring. do anin edalen, “Ogai, E Gamang! Iten lummai?”

Bar Elisan adyerberle kun a nual-ber-lingan: “bantongdong, butente mangbalen daku aninji amanganji saring ate ateng daku” (Jisaiya 53:6). U’u, Elisan angardadage amadan dakule, do kun amadan batte togidage a kurtanji do gardikuranji itente Kitungan appailai arabben asan. Kun asan anin rabdulen dakule.

Angante amben akznolte Josua, bitsara do Raja, amben arabangte yangam Kitungan rabrabte, sanulen; do a mandranji abmele. (Luk 19:10). Angante sisera yirai Israel asanggemlen, “Bar tuituijanji riangan saring sanuleji; aninji riang lingan obsadan obsadle Sisera asanggem lingan sanuleji” (Bitsara 5:20). Sarigoiloge bo bangsadage, Kitungan appaile arabben kanan, Israelanji amangban. Ganugun ajar ajar ambrij tanangle.

Angante Misoranji Israel maranji alangkaling asamgem-lingan yerreji, Kitungan sundangan appaile togidage amangbanji. “Kun a tarwbsunan Misoranji a ompu kanuduai do Israelanji a ompu kanuduai a tarangdiban iyaiten, bar taruban batte batte Misoranji apsele lunguddam dele bindo antate Israel maranji abmele paleddam dele. Anten asan kuddub togalan bo ompu kanuduai bzgarda ompu kanuduai adamban rapti adyeradji”.

Mandran rutipun tum batte abm’engte, bindo Kitungan a t’od saring a dunglen a dile bernan batte m’engte” “Hanang-henji dobdab-gwman ambrij galuete, do berna-hen kasiradan ambrij de-ete. Berna-henji lamtin-gwman ambrij ledeng uabanji a langka galuete, do sirpij-gwman ambrij ledeng gabanji a langka galuete” (Osea 11:8).

Tanahimdam Kitungan a onagji, amben abmele Kitungan ogandite do rabrabte. Ganugudage a ranabraban israelji amangban appaile, mangbaben janang appaitai arabben asan.

Okiy Kinolbe absele: “Murkundarda-med-Henji ‘ sarrang-Hen amdangteji, bar Hen aninji a d’ong galamtai, do aninji sandungtihji” (Jon 10:27).