Jun 30 – Ahram, Ses te!

Psalm 73:24 “Apuni pora dikhai dibo Apuni laga salha pora, aru pichete pabi ami ke mahima te”

Bishi baar, ses laga kotha hi bhal ase utu laga shuruwat pora. Mahima thaka labh khan hodai din laga tulna koribole napara laga dangor ase itu prithibi laga  labh ke saile. Ashirbaad hodai din laga jibon hi bishi dangor ase itu prithibi laga sob ashirbaad ke milaile bi.

Isor ahram laga berai apuni logote hodai din karone aru apuni ke dilasa diye. Jisu koi: “shikhabi tai khan ke sabole sob saman khan juntu Ami pora apuni ke koishe; aru Ami apuni logte ase hodai din, itu umar khotom hua tok” (Matthew 28:20).

Tai pora apuni ke kosom dishe apuni logote thakibole hodai din thakibole, itu prithibi laga jibon khotom hua tok. Kile koile tai hodai din laga ase, tai tagot ase apuni ke bachabole ses tok.

Bishi manu khan itu prithibi te chinta kore taikhan laga ses nimite. Biswas te komi thaka karone, tai khan bhoi lage. Tai khan mon te bhoi lage, ki kinika tai khan laga jibon ses hobo, judi tai khan ke kimti bhabna kuribol na nai itu swarg laga rajyo te, aru inika hi age piche bhabna kure.

Pobitro Kotha te sapha pora koi: “Tai jun pora apuni ke matishe tai, Tai iman daar ase, jun pora itu ke koribo” (Thessalonians 5:24).  Tai tagot ase apunike rasta dikhabole ses tok.

Ami khan itu bi pore Pobitro Kotha te: “itya Parhoi ja laga bhoj laga agete, jitya Jisu janishe ki tai laga homoi ahishe ki Tai itu prithibi pora jabole lage Tailaga Baba logote, thaki kene morom kori Tai laga nijor khan ke jun khan itu prithibi te ase, Tai morom kurishe tai khan ke ses tok” (John 13:1).

Kitya binapahoribi ki Isor ahram laga apunike bachabo, aru raksha kuribo apuni laga ses tok. Tai pora ashirbad dibo itu prithibi laga umar tok aru mukut lagai dibo bhal karone aru daya pora apuni ke loi jabo. Isor laga bacha khan, pura dibi nijor ke Isor laga hath te, Tai pora cholai kene loi jabole. Aru isor pora hi apuni ke ahram dibo aru cholabo ses tok.

Aji bhabna kuribole laga pobitro kotha tu hoilephillipians 3:23 kilekoile ami khan laga nagirikta swarg te ase, jun karone ami khan utsuk hoi kene rukhe rakshak ke, Isor Jisu Krista laga.