Jun 27 – Ahram Morom te!

Philemon 1:7 kilekoile ami khan dangor anondo aru tasalli ase apuni laga morom te!

Chela paul laga epistle Philemon ke, koi kinika Philemon anishe anondo aru tasalli taike. Hoi, morom aru dhyan kora kunuba ke ahram diye dusra ke. Hoilebi Isor laga morom, dilasa diye, ahram diye aru khushi ani diye sob ke. Itu ekta dangor nuskha ase jokhom hua monk e changai kuribole. Bishi baar, apuni giri jai aru iku modot nathake. Hoilebi bishi khan pora apuni ke ahram dibole kore;apuni laga mon shanty nathaka homoi te.

Inika homoi bi ase jitya apuni manu ke ahram dibole kore, hoilebi apuni napare kilekoile apuni logote shabdh nathake utu homoi te cholabole. Chela paul pora koi, Isor ekla hi ami khan ke ahram dibole pare. Isor laga bacha khan, hodai yaad rakhibi, ki Isor ekla hi ami khan ke ahram dibole pare.

Sabi hagar ke. Tai ekla thakishe registan te, iku bi modot nathaki kene. Tai ke khedaid ishe tai laga malkin pora aru Abraham pora ki dishe koile tu khali pani thaka laga chamra aru olop khana. Jitya utu khana aru pani khotom hoi jaishe, tai bishi bhuk aru pyas lagishe. Tai iku bi khana bisari panai utu registan te, aru tai laga bacha pyas pora moribole thakishe. Tai kandishe jor pora bishi mon dukh hoi kene.

Hoilebi ami khan laga morom thaka Isor pora taike phelai diyanai. Isor kitya bi tai ke chutu bhabna kuranai, kilekoile tai naukar chukri thakile bi. Pobitro kotha te koi: “ titya Isor tai laga suku khulishe aru tai ekta pani laga guha dikhishe. Aru tai jaishe aru utu pani laga chamra thaka ke bhorta kurishe pani pora, aru bacha ke khabole dishe. Toh, Isor bi utu bacha logote thakishe” genesis 21:19-20.

Isor laga bacha khan, ami khan laga Isor kunuba nishina nahoi jun khan kotha pora ami khan ke ahram diye aru jai jai. Hoilebi ahram logote, tai tagot bi ase achurit ke koribole, hatai dibole apuni laga sob napuncgcha ke aru bhorta kure apuni ke Tai laga ashirbaad pora. Isor laga morom hath pora puni ke ahram dibo aru Tai laga hosa hath dahina te apuni ke dhuribo.

Aji bhabna kuribo laga pobitro kotha tu hoile Isaiah 40:1-2, “ahram, hoi, ahram ami laga manu ke!” koi apuni laga Isor. “Kobi ahram Jerusalem ke, aru kandi bi taike, ki tai laga lorai khotom hoishe, ki tai laga letra khan maff hoishe; tai paishe Isor pora duita hath tai laga pap khan nimite”.