Appam - Soura

Jul 06 – Butente Kitungan a Temangba Tanangte!

“Nami hen Butente a temang lingan a tanang daku, kun Israel Am’eng Gamang Kitungan ahim lingan jzbjzble gamtai” (1 Raja 17:1).

Tette itjaja gamle adrabtebe kan ambrij bo surda beran: ‘Butente Kitungan a tamangba tanangte’. Mandran butente Kitungan atimangba tanangte, Anin adbatongge Rajan atimangba atanangbe. Anlen gijtabe Eliya a mandrengna-ling itente adelen ate.

Eliya dile dinna dilen, arinrindarakunaba pede yirte badih, Kitungan atimangba do senkendrate. Anin badih bagi s’in tiredle Kitungan atimangba do abgugule kan ambrij: “E Kitung, Hen timangnam tananglai. Aman Rajanji a Rajan ambrij goble do Kitunganji a Kitungan ambrij. Aman sattang barij ranaptidam do ruangan do ordaran gabdile. Amanna ranapti do ranadu”.

Angante anin tanangle Kitungan atimangba, anin Kitungdage a ranaptin batte barij dele badih, aganugu, anappaihan do kuddub asuyeman ataniytiyan. Aten asan anin barij j’e-batte gamle rajan Ahab a d’ong, adarakunaba, gamle: “Engale Israel a Gamang Kitungan  daku, hen butente atimangba tananglai, ganuran do iteja adakuad kan amihnum-lingan, Berna-hen sadasadle”.

Sanenken a ganudingan gijba: “Jaba, anlen labduiboblen Anin a d’ong a senpwrba; Sanabja Mar-len, Gamangtungan, a mukkaban anlen a turdumba” (Snenken 95:6). Kan ate anlen ganudinglen, ateng kanalkal-lingan ayirtaben batte anlen sanabyu-len abs’idtabe. Bogad anlen sailabenden dile tagaldaba, do atimangba tanangle do senkendrale, Anin d’ong-ben abdainate. Do amben doctor  atimangba atanangben sanaisaited.  Ayengan amadran tanangte Kitungan atimangba, kayating a madranji amangba adtanangge.

Tumadgijmar Eliya kunina a berna gamle anindaman gameten, “Hen Butente a d’ong gangkiltai, kun a kuduai kuduaianji am’eng Gamangtungan ahim lingan jzbjzbtenai” (2 Raja 3:14). Pissirdian Gabriel janang  anindaman abmele gamle: “ Hen Gabriel, Kitungan atemangba atanang daku” (Luk 1:19). Kun ate Eliya arabmadan, ganugu Eliya do bo bangsa pissirdian, Kitungan atemangba atnangleji ate. amben janang aninji ambrij gamle arabtitepo, Kitungan atemangba atanangtepo?

Tanahimdam Kitungan a onagji, Amben Kitungan atemangba atanangtepo, desaben anablun asan do birindaben abmele? Tanangba Eliya ambrij, barij tiydamna batte, iten asan gamlenden nami a dina-linganji amben aboi Eliya ambrij!

Okiy Kinolbe absele: “Bindo dile ayam lingan abgarre garbernaba, yante gamle kan kuddub a deroiten a ganadelanji saring ranabraban a hangben do a On Maran a temangban a tanangben asan amben tungnan a dete” (Luk 21:36).

Leave A Comment

Your Comment
All comments are held for moderation.