Feb 13 – ANUGRAH ARU BISWAS!

Ephesians 2:8 “kintu anugrah pora hi apuni bachishe Biswas dwara, aru ki nahoi apuni nijor pora; itu ase uphar Isor laga”.

Sabi kinika anugrah aru Biswas iki logote bandhi kene ase. Ami khan pai paritran ke, jitya anugrah aru Biswas ahe iki logote. Poila kadam Krista jibon laga ase berabole poritran te. Toh, ki ase hekh laga kadam? Itu ase hobole thik jinika Krista,a ru pabole mahima uporte mahima. Jitya to kami khan utu napai, anugrah aru Biswas ke pabo lage sob kadam te ami khan laga krista jibon te.

Anugrah ase uphar Isor laga; aru Biswas ase utu jawab manu laga Isor laga anugrah phine. Biswas ase sau pratishat nirbhar kora Isor te, ekta Isor laga bacha pora.

Jitya apuni lok pai Isor laga anugah ke, apuni pai icha ke khemai ke paap khan laga, aru paritran ke. Itu ase iki anugrah juntu puhor kore suku khan ke apuni mon laga; aru loi kaam khan ke hodai din laga. Jitya hazar ta manu khan phasi jai paap te; aru pai nijor ke bhag loi kene itu ke ekta khusi nishina, Isor pora anugrah te dikhai apuni ke rasta hodai din laga jibon te.

Itu iki homoi  te, apuni bi Biswas koribo lage ki Isor pora phelaishe Tai laga kimti khin ke apuni laga paap khan nimite; aru dishe Tai laga jibon ke ekta paap laga daan nishina apuni nimite. Apuni bi Biswas koribo lage ki Tai laga khun pora sapha korishe apuni ke sob apuni laga paap khan pora. Pobitro kotha te koi, “Tai te amikhan pai poritran Tai laga khun dwara, khemai paap khan laga, hisab te dhon laga Tai anugrah laga” (Ephesians 1:7).

Judi apuni ke nathake Biswas, apuni napabo anugrah ke Isor laga- kinika hoilebi bhrapurn pora Tai girai itu ke apuni uporte. Isor diye Tai laga hath khan ke aru diye anugrah ke,a ru ami khan ke lage barhabole ami khan laga hath Biswas te.

Amikhan laga desh te,tate bishi ase jun khan Biswas kore tai khan pabo poritran ke taikhan laga nijor laga jor pora. Tai khan bhabna kore taikhan pabo swarg ke jiyai kene ekta bhal jibon ke. Itu karone tai khan bishi dhyan diye samaj seva te aru dekhbhal kore anath khan ke; rasta dikhai vidva khan ke; khara korai shaishek sansth khan ke. Hoilebi tai khan ase najani kene itu hosa ke ki khali anugrah Isor laga loi jabo tai khan ke poritran te.

Judi ekta manu pabo pare poritran ke tai laga bhal jibon pora; tai laga bhl kaam dwara aru samaj seva pora, itu pora khali modot koribo tai khan ke phutani hobole nijor te. Aru judi inika hi ase, tate nathaki bo iku dorkar bhugibole iman dukh khan ke ami khan laga isor Jisu porr; Tai laga mrityu; aru punar utha. Ami khan kitya bi bonibo naparibo dharmik ami khan laga kaam pora; na pobitro hoi kene; na pai kene poritran ke.

Pobitro kotha te koi, “Jisu ase rasta, hosa,a ru jibon. Kun bi nahe Baba te khali Jisu Krista dwara hi” (John 14:6). “hoilebi uphar isor laga aase hodai din laga jibon Krista Jisu ami khan Isor te” (Rnomans 6:23).

Aji dhyan koribole laga pobitro kotha tu hoile Ephesians 2:9 “poritran nahoi kaam pora, nahoile kun bi hobi phutani koribo paribo”.