JULY 08 – Prabhubhakta Elijah laga!

1 Kings 17:24 Utu buri maiki koise, “Itya ami Janise apuni Isor laga manu ase aru Jehovah apuni laga mukh pora kotha koi ase!”

Kunuba manu tu nijor laga gawahi diye aru kunuba tu manu laga diye. Hoilebi Isor nijor hi chuni loa khan laga gawahi diye. Elijah laga homoi te bi bishi manu para tai laga gawahi dishe aru Isor bi tai laga gawahi dishe. Zarephath laga vidvah, jun hi gentile thakishe, tai bi Elijah laga prabhubhakta laga gawahi dishe. Tai Elijah ke janibo dishe, itu koi kena, “oh Isor laga manu” aru itu hi tai laga sobse poila gawahi thakishe.  Tai koishe, “Isor laga Kotha apuni laga mukh te thaka hi hosa ase.”

Kinika manu apuni laga gawahi diye? Apuni tu manu khan ke duita suku para hi sai thake hoilebi manukhan toh apuni ke hazar ta suku para sai thake. Kitya ineka manu para apuni ke sai, apuni tu Isor laga bacha nishina dikhi pai na nai? Ki manu para kobo paribo ki apuni laga mukh te kotha thaka tu hoile Isor laga kotha ase aru itu hi hosa ase koi kena?

Elijah logote ki hosa ase? Hosa tu ki ase koile tai toh ekta Isor laga manu thakkishe aru tai  tu Isor logote khara kuribo para laga manu thakishe. Elijah toh ekta ini manu thakishe ami khan nishi dukh such jana manu. Hoilebi  tai Isor laga rasta te bera homoite  hodai din  hosa te thakishe. Hodai din phujur te tai tu Isor laga agete khara kuribo jai thake.

Bhal para hunibi Elijah para Ahab te poila bar te kotha kura hoimoi te ki koishe. 1 Kings 17:1 Elijah koikena ekta prphet asile jun tishbe taun para ase hoilebi tai gilead te thaki ase, aru tai raja Aahab ke koise, “Isreal laga jinda Isor Jehovah, ami jun laga  kam kori ase, tai lag nam para ami koi diase ahia dui aru tin salt ok pani bi giri bole nohoi aru phujur laga badal bi nathakkibo, jiman to kami nokobo.” Itu verse te tai nijor ke isor laga kam kure aru ami tai agete khara kure kooi kena koi. Sabi tai laga prabhubhakta tu kiman bi dangor ase ki tai nijor ke Isor usorte  khara kure kua bi bhoi nakhai kena koi. Itu ase tai laga tagot tu.

Elijah tu hodai din Isor laga age te jai kena khara kure itu karone, tai tu raja Ahab laga usorte bi khara kuribo bhoi nai. Isor logote hosa thaka para iman tagot ahishe ki tai tu itu kobo parishe ki dui tin sal tok pani ami nokoa tak nigiribo.

Isor pora apuni ke bi inika hi tagot dibo judi hodai din apuni Isor logote hosa hoi kene khara kuribo. Doctors, advocates aru itu nishina dangor manu khan laga agete bhoi nakuri kena aru chutu nohoi kena khara kuribo pariboElisha para 2 Kings 3:14 te koa nishina Isor sob laga jun laga ageta ami khara kure.  Itu nishina hi Gabriel Luke 1:19 te koishe, “ami Gabriel ase duth koi ase. Ami Pormeshwar laga agete khara  thake, jun amike apuni laga usorte itu khushi khobor koidibole nimite pathaishe.

Aji bhabna kuribole laga pobitro kotha tu hoile Job 33:3 ami laga sob kotha khan sida sidi ase aru ami hosa kotha koi ase.