No products in the cart.
June 18 – Appudyinge!
elimchurchgospel“Anin tungdam jaddam maranji a ganarber lingan tiyj’eten, bar Anin aninji a ganaberan appudyinge” (Sanenken 102:17).
Kitungle garberan amdangte sattangted, bindo Anin a jalangtenag a kitung. Sanenken kmbololan gamte, “E ganarberan amdangten a Mandra” (Sanenken 65:2). Nami ja, Kitungan ganarberan amdangte. Bibolan gamte, “Anin tungdam jaddam maranji a ganarber lingan tiyj’eten, bar Anin aninji a ganaberan appudyinge” (Sanenken 102:17).
Butten er mandrengdage? English dictionary lingan gamte kundra, banage, atangsoimar do ategoi ateng birna daku. Bindo, bibollingan, kan a birna banageted bindo ateng mandranji a d’ong abkilkilte. Anegoi raja do raniji ja kan ambrij adnang adutaiji banabyen ayanbe asan.
Raja Jehoshapot a mandrenaling abmele bibolan gamte. Agante amangan kan ambrij a kanalkalan do a tanunjingan yiraite. Do bo surda sanu ompu aranapti ja bara atiad. Kun ayam, anin hadaneten er mandrengdage ambrij, kitungan amang gamete, “E kitung-len, Aman kan a mandranji a d’ong abbitsarae po? Iten asan gamlenden asanggem-ling-len a yeraian kan a surda ompun a temangban iteja ranapti-len agassa, orde iten a lumben dete, kanate anlen aggalamai. Maih mang-ling-Nam satta ganijgij-len daku” (2 Birinda 20:12).
2015 salo adnang, bo surda rapda Chennai dessaba yir-rai, do ateng mandranji kahidliji. Abumungdage dele, anin er mandrengdage deleji. Bitimaranji ja lebun dable arabtietji bank saring orde ATM saring. Amanganji ateng bitidakule ja orde surda surda sihigan dakule ja a mandrengna linganji ejaja labaman adead.
Aninji surda surda a caranji da’ah lingan tabubli. Aninji gaganaben asan ejaja adhagadji. Abumungdage a kanalkalan agajangan yirtai, do mandrengna bandaten. Kun batte aninji bigda ayamling er sanayamdage deteji.
Tanahimdam Kitungan a onagji, aganteden er sanayamdage mandrengnabe dakute, Kitungan a d’ong gudingba. Anin d’ongben sayamte. Anin kuddub kanalkalanji opsadte do sanittan taniyan dete.
Kinolbe absele: “Hen d’ong-ben kundrasijge abmean abmele adnomdaben. Hen mangba-ben yertai” (Jon 14:18).