Apr 03 – Mahima kuribole kosish koribi!

2 chronicles 20:21 aru jitya tai alochna kuriloishe manu khan logote, tai chunishe kun pora isor ke gana kuribo, aru kun pora mahima kuribo pobitro laga sundor ke, jitya tai khan ulaishe sipahi khan laga agete koi kene: “mahima ase isor ke, kile koile tai laga daya hodai din nimite ase.”

Jitya apuni khan inika homoi tea he jote apuni khan ke prathana kuribole nadiye, apuni khan isor laga agete ghu tna te ahibo lage aru tai ke mahima kuribole lage kile koile bishi tagot ase isor laga mahima kura uporte. Jitya apuni isor ke mahima kure, tai apuni laga jibon te achurit kam khan kuribo. Tai hi anugrah kuri kene apuni karone lorai kuribo, apuni bhabna kura pora bi bishi.

Ekbar ekta manu ke bahar desh te misiion nimite pothai she. Tai khushi pora jaishe, hoilebi jitya tai choli tthaka homoi ke siahse, juntu tai laga hisab te thakanai tai bishi mon dukh paishe. Tai utu jaga laga basha najane aru jun khan padosi thakishe tai khan tu bishi bhal thakishe. utu jaga laga niom khan bishi alag thakishe. aru utu isor laga man utu mon biya lagi kene wapas ahibole bhabna thakishe.

Utu homoi te, tai ekta poster dikhishe dorwaja te, itu likhi kene: “apuni laga kosish te mon chutu nakuribi. Mahima kuribi isor ke”. Itu kotha khan sida tai laga mon te kotha kurishe. Tai utu bar bar puri thaki kene, tai laga mon tu akha aru Biswas pora bhorta hoishe. Utu homoi te jitya tai prathana kuribo paranai, tai awaz uncha kuri kene isor ke mahima kurishe. Adha ghonta laga mahima kura pichete, tai isor laga atma ke mehsus kurishe. Tai laga mon chutu hoa tu mon dangor laga atma pora bhnorta hoishe. Aru juntu kotha khan pahar nishina khara hoi thakishe itu khan sob hi harai jaishe jitya tai mahima kurishe.

Jitya dushman khan Jehoshaphat  laga khilaf te khara kurishe, tai janishe ki tai laga atgot ekla pora jiti bole naparibo. Tai sob sipahi khan laga tagot ke chari kene , isor laga mahima kuribole shuru korsihe.

Isor nijor ke hi ahibole diye jun pora taike mahima kure. Jitya Jehoshaphat aru Judah mahima kuribole shuru korishe, isor hi jui lagai dishe dushman khan laga agete. Tai khan sob ekjon ekjon laga khilaf te khara  hoi jaishe aru ekjon dusra jon ke morai dishe. Pobitro kotha te koi 2 chronicles 20:24 toh jitya Judah ekta jagate ahishe jote pora sob bhir ke dikhe, aru tai khan sob muri kene thakishe, mati te giri kene. Kun bi bachanai.

Isor laga bacha khan, utu isor hi aji bi ase. Dibi sob apuni laga rasta ke isor ke . taike Biswas kuribi, mahima kuribi aru taike sheva kuribi. Aru tai por ai sob par kuribo aru dibo sob mon laga icah khan ke.

Aji bhabna kuribole laga pobitro kotha tu hoile 2 chronicles 20:28 titya taikhan Jerusalem te ahishe, bajna khan logote aru harp aru trumpet khan loi kene isor laga ghor te.