No products in the cart.
మే 23 – కాలములను గ్రహించు జ్ఞానము
Admin“ఇశ్శాఖారీయులలో సమయోచిత జ్ఞానముకలిగి ఇశ్రాయేలీయులు చేయతగినదేదో దాని నెరిగియున్న అధిపతులు రెండువందలు; వీరి గోత్రపు వారందరును వీరి యాజ్ఞకు బద్ధులైయుండిరి” (1.దినవృ. 12:32).”
బైబిలు గ్రంథమునందు ఇశ్శాఖారీయులను గూర్చి ప్రత్యేకమైన ఒక అంశము చెప్పబడియున్నది. వారు సమయోచిత జ్ఞానమును కలిగియున్నవారు (1.దినవృ. 12:32) అని బైబిలు గ్రంథము చెప్పుచున్నది.
దేవుని బిడ్డలారా, మీరు కాలములను నిదానించి ఎరుగగలరా? సమయమును పోనివ్వక సద్వినియోగము చేయుచున్నారా? మీరు అంత్యకాలము సమీపించెను అని గ్రహించి జాగ్రత్త కలిగి, ప్రభువు యొక్క రాకడకు సిద్ధముగా ఉన్నారా? ఒకసారి పరిసయ్యులును, సద్దూకయచయులును యేసుక్రీస్తును శోధించుటకై ఆయన వద్దకు వచ్చి, ఆకాశము నుండి ఒక సూచనను మాకు చూపించవలెను అని అడిగిరి.
వారికి ఆయన ప్రత్యుత్తరముగా, “సాయంకాలమున, మీరు ఆకాశము ఎఱ్ఱగా ఉన్నది, గనుక వర్షము కురియదనియు, ఉదయమున, ఆకాశము ఎఱ్ఱగాను మబ్బుగాను ఉన్నది, గనుక నేడు గాలివాన వచ్చుననియు చెప్పుదురు గదా. వేశదారులైన మీరు ఆకాశ వైఖరి వివేచింప నెరుగుదురు గాని యీకాలముల సూచనలను వివేచింపలేరా?” (మత్తయి. 16:2,3). అని అడిగెను.
ఒకసారి కొంతమంది సేవకులు పరిచర్యకు వెళుతున్నప్పుడు, పవిత్రాత్మతో పట్టబడిన మనుష్యుడు ఒకడు వారి యొద్దకు పరిగెత్తుకుంటూ వచ్చెను. ఆ మనుష్యునిలో ఉన్న దురాత్మ, ‘ లోకము యొక్క అంతము వచ్చియున్నది, ఇంకా కొన్నిదినాలు మమ్ములను నెమ్మదిగా ఉండనివ్వక ఎందుకని వెళ్ళగొట్టు చున్నారు?’ అని అడిగెను.
ఆ మాట ఆ సేవకులకు మిగుల ఆశ్చర్యమును కలిగించెను. వారు ఆ దురాత్మ యొద్ద, ‘ఈ లోకము అంతము కాబోతుందని ఎలాగు నీకు తెలియును?’ అని అడిగిరి. అందుకు ఆ దురాత్మ, “కాలము మీకు ఆ సంగతిని తెలియజేయ లేదా!” అని తిరిగి అడిగెను!
అవును, నేటి విశ్వము కంటే నలభై రెట్లు అతి పెద్దదైన విశ్వమును కూడా నాశనము చేసేటువంటి అణు ఆయుధములను బలోపీతమైన దేశాలు తయారు చేసి పెట్టియున్నాయి. ఇక లోకము యొక్క అంతము ఏ క్షణమునందు ఉండునో తెలియదు అని కాలము తెలియజేయుచున్నది. నేడు సాహసించి తెగించి చేసే హత్యలు దొంగతనాలును, మరియు పలు విధాల పాపములు లోకమునందు నింపబడి కనబడుచున్నది. సాతాను జనులను నాశనమునకు ఈడ్చికొని వెళ్ళుటను కనులారా చూచుచున్నాము.
దేవుని బిడ్డలారా, లోకము యొక్క నాశనము బహుగా సమీపించియున్నందున, మీరు ప్రభువును సంధించుటకు సిద్ధపడవలెను కదా? నీ ప్రభువును సంధించుటకు వెంటనే సిద్ధపడము అని కాలము తెలియజేయుచున్నది!
నేటి ధ్యానమునకై: “రాత్రి చాల గడిచెను; పగలు సమీపముగా ఉన్నది; గనుక మనము అంధకార క్రియలను విసర్జించి, తేజోస్సంబంధమైన యుద్ధోపకరణములను ధరించుకొందము” (రోమీ. 13:12) .
ఈ రోజు బైబిల్ రీడింగ్