అక్టోబర్ 28 – రక్షణ కలుగించు కొండ!

“భూదిగంతముల నివాసులారా, నా వైపు తేరి చూడుడి; అప్పుడు రక్షణ పొందుదురు”   (యెషయా.45:22)

సహాయము వచ్చు కొండ నుండి మీకు వచ్చుచున్న సహాయములయందు మిగుల శ్రేష్టమైనది ‘రక్షణ’. రక్షణను ఇచ్చుటకు ప్రభువు కఠినమైన ప్రయాసములను గాని, బంగారమును గాని, వెండిని గాని, విలువైన వస్తువులను గాని మీవద్ద అడుగుట లేదు.

ప్రభువు ఎదుట మిమ్ములను తగ్గించుకొని, ఆయనకు తిన్నగా మీ యొక్క కన్నులను, ఎత్తు చున్నప్పుడు, ఆయన రక్షణను ఉచితముగాను, కృపగాను మీకు దయచేయును. రక్షణను మాత్రము గాక, ఆదరణయు ఆయన వద్ద నుండి మీకు దిగివచ్చుచున్నది.

ఒకసారి ఒక సంఘమునందు చాలా మంచి తల్లిగారు ఒకరు మరణించిరి. వారి యొక్క దేహమును తీసుకొని వెళ్లి సమాధి చేయుచున్నప్పుడు విలపించి ఏడవని వారు ఒక్కరును లేరు. మరణించిన అట్టి తల్లి గారికి ఒకే ఒక కుమారుడు ఉండెను.

అతనికి పదిహేను లేక పదహారు సంవత్సముల వయస్సు ఉండెను.  అయితే అతడు అందరును సమాధిని విడిచి వెళ్లిపోయినను కూడా అక్కడే నిలబడి ఏడ్చుచూనే ఉండెను.  కారణము అతనికి తండ్రి లేడు. ఇప్పుడు తల్లి కూడాను మరణించెను. ఇక ఏమి చేయుట అనుట అతని యొక్క దుఃఖమునకు కారణమైయుండెను.

సమాధి కార్యక్రమమును జరిపించిన పాస్టరు గారు, అతని యొక్క ఏడ్పును చూచి, మనస్సు నీరుగారి పోయెను. అతనిని ప్రేమతో చేరదీసి,   ‘తమ్ముడు, నీవు ఎంతకెంతకు ఈ సమాధిని వంగి చూచుచుందువో, అంతకంతకు దుఃఖమే అత్యధికమగును.

కావున క్రిందకు వంగి చూచుటను మాని, ఆకాశము తట్టునకు చూడుము. అక్కడ సకల ఆదరణను కలిగించు దేవుడు ఉన్నాడు. ఆయన వద్దనే నీ యొక్క తల్లి చేరియున్నది. ఆయనే నీకు ఆదరణను కలిగించును.  నీకు ‘సహాయము వచ్చు కొండ ఆయనే’  అని చెప్పెను. అట్టి మాటలు ఆ యవ్వనస్థుడ్ని ఆదరించెను.

దేవుని బిడ్డలారా, మీరు పోరాటము యొక్క మార్గమునందు వెళుచున్నారా? శోధన వెంబడి శోధన వచ్చుచున్నదే అని పరితపించుచున్నారా? ప్రతి స్థలమందును శ్రమలును, దుఃఖములును మిమ్ములను ఆవరించియున్నదా? అట్టి శ్రమలయందు మీయొక్క కన్నులను ఎత్తి గొప్ప కొండయైయున్న క్రీస్తును తేరిచూడుడి.

మీరు ఆకాశమును భూమిని కలుగజేసిన సర్వశక్తుడైయున్న ప్రభువును తేరి చూడుడి. మిమ్ములను ప్రేమతో విచారించుచున్న దేవుణిని తేరిచూడుడి.  మీ యొక్క సమస్యలకు పరిష్కారము ఆయన వద్ద కలదు. మీయొక్క పోరాటములకు ముగింపు ఆయన వద్దనే కలదు.  ఆయనయే మీయొక్క దుఃఖమును సంతోషముగా మార్చగలవాడు.

“భూదిగంతముల నివాసులారా, నావైపు తేరి చూడుడి” అని ప్రభువు ప్రేమతో పిలచుచున్నాడు.  ఆయన ఒక్కడు మాత్రమే దేవుడు,  వేరే ఎవ్వరులేరు. అయిన ఒక్కడే మిమ్ములను వెతుక్కుంటూ వచ్చెను. మీ కొరకు రక్తమును చిందించెను. ఆయనే మీకు ఆదరణను, రక్షణను ఇచ్చువాడు.

*నేటి ధ్యానమునకై: “మన దేవుడైన యెహోవా మనలను కరుణించువరకు మన కన్నులు ఆయనతట్టు చూచుచున్నవి”   (కీర్తన. 123:2).