Sep 24 – KHUN MEMNA LAGA!

Revelation 12:11 “aru Tai khan paar koribo taike memna laga khun pora aru kotha tai khan laga gawahi pora”.

Khun ami khan laga Isor Jisu Krista laga hi sobse dangor uphar ase manu jati ke. Jisu laga khun bina tu, tate iku subh samachar nai, tate iku pap laga khemai nai, aru tate ami khan laga atma ke bachai diya iku nai. saishe koile tate iku Christianity nai Jisu laga khun bin ate. Jitya bi apuni bhana kore Isor Jisu Krista laga khun ke, apuni khan Tai laga dard aru dukkh ke bi bhabna koribo lage. Tini hoile hi, apuni buji  bole paribo pura ashirbaad ke utu daam laga khun pora.

Upwas laga din khan te, ekta girja olop manu thaka laga nimantran dishe ekta manu ke kotha koribole,  “Jisu laga Khun” uporte. Titya hi utu manu janishe  ki tai Christian  thakile bi iman saal pora tai pura Jisu Krista laga khun laga mahima ke buji bole paranai. Itu karone, tai hath dishe Isor Jisu laga theng te aru prathana korishe jani pabole Jisu Krista laga khun ke..

Utu din te, Isor ppora kotha korishe taike bhabna koribole kkhun juntu bahi thake gau laga alag alag hissa pora. Aru tai bhabna koribole shuru hoishe choita bhag te Jisu laga khun uporte – khun juntu bahishe Gethsamane te, khun juntu girishe matha pora kata laga mukut lagai kene, khun Tai laga gojal mara hath pora, khun Tai laga theng pora, khun Tai laga pith pora aru khun juntu Tai pora ulai. Tai bhabna kori thaka homoi te, tai sabole parishe kunuba ashirbaad khan khun pora aha sob Isor Jisu laga gau laga bhag pora. Ari jitya tai utu kotha mora prachar korishe dirsti tai dikha pora, bishi manu ashirbaad hoishe.

Utu din te, Isor dishe tai ke bishi drishti aru dikhaishe bishi luki thaka saman khan Jisu lagakhun te. Tai paishe pura janoni juntu khali Isor Jisu lagakhun pora hi loi jabo pare taike rasta te jita laga ses homoi tok. Amikhan laga Isor Jisu Krista laga khun, hi ase sob jun tu apuni lagi ase jiti bole porikha khan satan laga.

Pobito kotha te koi ki tai khan paar korishe satan ke memna laga khun pora aru kotha pora tai khan laga gawahi laga. Utu din jitya apuni swarg te thakibo,apuni khara koribo jiti kene Jjisu laga khun pora. Apuni khan khara koribo utu pandit khan logote jun khan dhulaishe tai khan laga kapra  aru bonai she tai khan ke boga Memna laga khun pora. Apuni khan gana koribo notun gana aru dhonyabar koribo Isor ke, ginti kori kene apuni laga sob ahirbaad ke jutnu apuni  paishe Jisu Krista laga khun pora.

Isor laga bcha khan, Isor pora kosom dishe apuni ke jita laga jibon Tai laga kimti khun pora juntu Tai phelaishe Kruste. Dhonyabad dibi aru mahima koribi Tai laga, jun pora puni ke dishe inika jit, aru paar koribo para jibon ke.

Aji bhabna koribole laga pobitro kotha tu hoile 2 Corinthians 2:14 “itya dhonyabad ase Isor ke jun hodai loi jai ami khan ke jit Krista te, aru ami khan pora phelai gun ke Tai laga gyan laga sob jag ate”.