Oct 22 – GHOR BUDDHI LAGA!

Proverbs 9:1-2 “buddhi pora bonaishe tai laga ghor ke, tai guthishe tai laga satta khuti; tai pora katishe tai laga mangso, tai milaishe tai laga dagras, tai pora sajjit korsshe tai laga table ke”.

Kitab te proverbs laga, buddhi ke tulna korishe ekta maiki ke. Itu upor laga podh pora koi, ‘busshi pora bonaishe tai laga ghor ke’.

Itu laga vivaran ase Proverbs 14:1 koi, “buddhiman maiki bonai tai laga ghor ke, hoilebi buddhu pora tane niche tai laga nijor hath pora”.

Buddhi pora bonai tai laga ghor ke. Toh, ki ase utu ghor? Utu ggor koi ase tai laga jibon ke ekta manu laga: ekla jibon, porivaar laga jibon, dharmik jibon aru hodai din laga jibon. Jinika hisab tea mi khan jiyai itu prithibi te, bonai itu charta alag kisim laga ghor khan ke.

Kintu ekta ghor ke bonabole thik pora , itu gurutva ase thakibole tagot khuta khan. Khali itu khuta khan diye ami khan ke suraksha imarat laga.

Apuni pabo uncha aru mahaan khuta khan rasta te Chennai Cethedral Churcha laga. Itu khuta khan yaad dilai ami khan ke  mahima aru mahaanta ami khan isor laga. Aru itu tagot khuta khan, modot kore pura imarat ke girja laga.

Utu din khan te, Jacob rakhe pathor ke ekta khuta nishina aru koi, “itu pathor juntu ami rakhishe ekta khuta nishina hobo Isor laga ghor” (Genesis 28:22).

Notun Niom te, chela Paul pora koi, “ami likhe taki apuni janibo kinika apuni thakibo lage nijor ghor te  Isor laga, juntu ase girja jiyai thaka Isor laga, khuta aru mati hosa laga (1 Timothy 3:15)

Jitya ami khan porhe podh khan Proverbs laga kitab laga baar baar,a mi khan dikhe satta gurutva dhish khara hoi taha khuta nishina:

1. Biswas kora Isor te
2. Akhandata
3. Udharta
4. Khushi kaam
5. Hobdo biswas laga
6. Dosti
7. Pobitrota

Kunuba tulna kore itu satta khuta khan ke satta jor siddhanth pai notun niom te. Porhibi ari dhyan koribi pura kitab ke Proverbs laga ru lobi itu ke ekta atmakarik khana nishina. Isor laga bacha khan itu pora modot koribo apuni ke pabole atmakarik drishti aru gehra hosa khan Pobitro kotha te.

Aji dhyan koribole lag pobitro kotha tu hoile Revelation 3:12 “ tai jun paar kore, Ami bonabo tai ke ekta khuta mondirte ami Isor laga,a ru tai najabo bahar”.