Oct 22 – GENER GHAR

Gener vath 9:1-2 Gen vor gharena bhandan,vor sath thunini gaadan,vu thaaja jeevarasivun kaatan,angurer rassena bhelan,telena thayar kidicha.

‘Gen vor gharena bhandacha’ kan vanchajako yee vancher prakar Gener grandhema genen yek thandrina polikathi kacha. Yee vathen vivarana 14:1 vachanema genevali vor gharena bhandacha, bagar genevali  vor hathethi vona phodacha.

Gen vor gharena bhandacha katho vu kasseko ghar viya? Vu ghar yekleraj jeevanenan,yekler vaithika jeevanena, samsaarmena,bhakthithi rer jeevanena ajji shaswith jeevanena malam karacha.

Yee jammiparer ku banchachako hannuj yee chaar thara gharen bhandleja.

Yek ghar hachethi bhandlenu katho vor vu gharer sthambhavo ghat renu,voparaj vu ghar ghat bhandichko konika kan malam vejavacha.

Chennai Central Cathardal sabhana majarethin vaibhavathi bhandejako sthambhavun dekatho malam padacha. Ye sthambhavo apaner Prabhu Yesu Christhur mahimar vaibhavana dekalacha Kan keja. Yee sthambhavoj  vu sabha athra hachethi thamena adhaara ven cha.

Jethi Yakob Agediyar grandh 28:22 yetha gaadrojako yee sthambhar bhataj Dever ghar vacha Kan ko.

Vuj Navvo kararema Aposthal Paul 1 Timothy 3:15 yeklo Dever gharema kimkim chalanukajer padhathina thu malam karlena vu ghar jeevarojako  Devero Sabha ven,sathena thunin, adhar ven cha Kan kerocha.

Apan yee gener grandhema vancha janna kella 7 pradhanvagi gharen bhander sthambhavo chaju dekacha.

1. Devema viswas karnu Kan
2. Hachethi seeklero
3. Sejini hachethi deklenu
4. Seni yekkaj thara dekero
5. Viswasethi vathe karnu
6. Dosthidhar
7. Pavithrtatha

Ajji jada dhyan karen pado Darshaner grandh 3:12