Oct 03 – MORIAH PAHAR!

Genesis 22:2 “jabi matite moriah, aru  dibi taike tate ekta jolai diya laga daan nishina utu ekta pahar khan te jote ami apuni ke kobo”.

Isor dikhaishe pahar moraih ke,a ru koishe Abraham ke dibole tai laga chokra ke ekta jolai diya laga daan hisab te. Itu sapha khabar Isor pahar moriah te: ‘gojal lagabi nijor ke kruste’ apuni khan dibo lage utu sob juntu khushi kore apuni ked hip te. Apuni khan dibole pare nijor laga karam ke,apuni laga dhan aru apuni laga ghamandh ke daan dibi Isor laga dhip te. Utu hi khali ekta rasta ase Isor laga ashirbaad pabole.

Abraham iman kotha mana laga thakishe Isor laga, aru nirnay loishe morabole tai nijor laga chokra ke, ekta jolai diya laga daan hisab te. Tai rakhishe Isor ke aru Tai laga kotha ke sobse uporte. Isor kotha laga tulna te, sob khan- porivar laga rishta aru morom khan bi nichete thakishe jaishe. Anubhav pahar moriah laga gojal lagabole laga sob apuni laga icha aru lobh khan kruste, juntu sobse uncha kotha mana laga ase.”

Pobitro kotha te koi: “aru jun khan kruste balidaan dishe nijor laga gau te tai laga icha aru lobh khan logote”.(Galatians 5:24). “ami balidaan hoishe Krista logote; itu aru ami nahoi jun jiyai ase, hoilebi Krista jun ami logote jiyai; aru jibon juntu  itya ami thake gau  tea mi thake biswas te Isor laga Putro te, jun ami ke morom kore aru dishe Nijor ke ami karone” (Galatians 2:20).

Bishi ase jun khan icha kore pabole ashirbaad ke Isor laga. Tai khan prathana kore biya atma khan ke tai khan pora polai jabole aru bachibole itu kala jadoo khan pora, aru changai hobole tai khan laga bimar khan pora. Hoilebitai khan kitya bi nadibo nijor ke charibole tai khan laga icha te aru jiyabole ekta pobitro  jibon te. Tai khan kitya bi age nahibo gojal lagabole tai khan laga icha aru lobh khan kruste.

“uphar dibi nijor laga gau ke ekta jinda daan nishina, pobitro, juntu manzur hoi Isor ke” (Romans 12:1). Itu inika mana kora ase nijor laga icha ke hodai din te, ki chela Paul likhe tai laga epistles khan te Galatian manu khan ke. “Isor Jisu Krista pora, juntu pora prithibi balidaan hoishe  ami ke aru ami prithibi ke” (Galatians 6:14). Apuni khan dibo lage dhip te, sob rishta khan juntu Isor laga icha baharte ase. Apuni khan itu  ke kati kene phelabole lage kunba dosti khan. Judi bi itu pora dukh diye olop homoi karone, itu pora hosabi dibo apuni ke hodai din laga ashirbaad apuni laga jibon te.

Abraham khara korishe pahar moriah te aru seva korishe Isor ke Jehovah jireh koi kene. Jehovah jireh mane, ‘Isor pora dibo’; kilekoile aji laga din te koi ase ki Isor pora  dibo. Itu Jerusalem te ase, utu pahar hi, ki Solomon bonaishe achurit ISsor laga ghor (2 Chronicles 3:1). Isor laga bacha khan, age ahibi mana koribi nijor laga icha ke aru gojal lagabi kruste. Aru hobole dibi apuni laga jibon ke bhorta  uncha pahar laga anubhav moriah nishina!

Aji bhabna koribole laga pobitro kotha te koi: Romans 12:1 “ami bisare apuni ke itu karone, bhai, ki daya Isor laga, ki apuni dibo nijor laga gau ke ekta jinda daan nishina, pobitro, juntu manzur hoi Isor ke, juntu apuni laga kimti kaam ase.”