Nov 30 – NOMROTA!

Micah 6:8 “tai pora dikhaishe apuni ke, O manu, ki bhal ase; aru ki pora Isor apuni ke koribole icha kore hoilebi koribole imandari pora, morom koribole daya ke,a ru berabole nomro khoi kene Isor logote?”

Itya ami khan itu saal laga ses te ahi ashe, apuni sabole lage nijor ke,a ru thik koribole lage juntu tera rasta te ase aru bonabole lage sidha juntu tera hoi kene ae. Apuni ke lage sapha koribole nijor ke notun saal te itu mon te rakhi kene aru notun niom bonai kene.

Tate charta zaroori saman khan ase juntu Isor icha kore apuni pora. Itu kana se:

1.Apuni bhal koribole lage

2.Apuni imandar pora koribole lage

3.Apuni daya ke morom koribole lage

4. Apuni nomro hoi kene berabole lage Isor logote.

Aru nomoro hoi kene Isor agete berabole lage hi sobse zaroori ase itu khan sob pora.

Apuni berabole lage nomro hoi kene judi apuni ke lage anugrah Isor laga bhorta kori kene. Pobitro kotha te koi: “tai jun nomro hoi nijor ke uthai dibo” (Luke 14:11). “Isor anugrah kore nomro thaka khan ke” (James 4:6). “Isor uporte thakile bi, hoilebi Tai mane niche thake khan ke” (psalm 138:6). “nomro koribi nijor ke Isor laga suku te, aru Tai pora uthai dibo apuni ke” (James 4:10).

Ekta mukya karan Christian porivaar khan bhagi ja tu kilekoile ghamandh pora hiase, gssa aru  dorkar nathaka. Inika manu khan kitya bitai khan laga haar ke namane. Tai  khan bhag loi kam nalaga jhagra khan te. Taikhan bhorta kore aru dhuri kene thake tai khan laga mon te tita khan aru biya bhabna khan. Hoilebi nomro khan, dibo nijor ke sob samasya khan Isor laga hath te aru rukhibo  Tai ke biswas thaki kene ki tai pora hi sabo tai khan laga digdar khan te.

Pobitro kotha te koi: “hobole nadibi iku kaam bi nijor laga faida te nahoilebi bhabna khan te, hoilebi niche hoi kene mon te hobole dibi sob utsah ke manu khan ke nijor pora bi” (Philippians 2:3). Apuni khan hatai dibo lage ghamandh ke aru kobo lage: “itu ami nahoi jun jiyai ase, hoilebi Krista ami te”, aru lukai dibo lage nijor ke Krusa laga chaya te.jun khan lagai nomrota ke tai khan kitya bi nijor karone nathake hoilebi bisare icha khan manu khan laga hi. Isor Jisu koishe: “Lobi Ami laga bhar ke apuni te aru sikhibi Ami pora, kilekoile Ami norom ase aru  niche mon te, aru apuni pabo ahram ke apuni laga atma nimite” (Matthew 11:29).

Aji bishi manu koi bhabna khan ke juntu te iku nyay nai anhoilebi hosa nai itu prithibi te; aru ki apuni hosabi jhuje apuni laga rasta te hobo le. Apuni khan jani thakibom lage ki itu rasta nahoi Isor laga. Itu isor hi ase jun jhuje pauni nimite. Sob jag ate thaka laga Isor hi ekta ase jun diye nyay apuni ke. Isor laga bacha khan, jitya apuni diye nijor ke sob ekta tagot thaka hath te Isor laga,a ru pai ahram tai te, Isor pora  hi thik kori dibo aru pura kori dibo juntu apuni ke lag I ase.

Aji bhabna koribole laga pobitro kotha tu hoile Proverbs 22:4 “nomorota pora hni aru bhoi Isor laga ase dhon aru sonman aru jibon”.