Nov 29 – LANPHAM!

“Israelgi nipa makhei adu Elahgi tampakta leirammi, makhoi adu Philistines ki misinga lan soknarammi.” (1 Samuel 17:19).

Elahgi tampak adu yamna maru oiba   lanpham ama oirammi. Lamdam anigi lanmi sing adubu nakan nakanda lepminnarammi,nakan amada Israelgi lanmising leirammi aduga atoppa nakanda Philistines gi lanmising leirammi.

Khanghoudana mijao Goliah adu Philistines ki misinggi nakanda  chongthorakkhre. Mahakna Israelgi lanmising bu singnaduna hairammi, “nakhoigi marakta kanana eiga phunaba ngamgadra? Aduga mahakna Israelgi Iswargi  mingbu sap tourami. Mahakna madu numit niphuni adum hairaga lakle.

Madugi numit niphuni gi manung aduda Israel machasinggi marakta mahakka thengnaba ngamba thouna leiba amata thoklaktre. Konthangda madugi Elahgi  tampak aduda David asi changlakkhre. Aduga mahakna nung amagi maruda Goliath adubu ngamkhi.

Biblegi manung asida lanpham kayagi maramda paba phanggani. Lanpham sing adugi marakta mitta uba yaba khara lei,adubu kharadi eikhoigi hakchanggi mit asida uba phangba ngamde. Adamna Edengi ingkhon adu lanphamni haiba khanglamde aduna mahakna Edengi ingkhon adu ngaksenba ngamlamde. Adam amadi Eve aduna Edengi ingkhon ngaksenbagi maramda yamna thouwa saramde. Adugi mahei oina satan adu eden ingkhon aduda changlaktuna Eve adubu minamduna  taibangpan asida pap, serap, anaba amadi asiba asi changlakkhre. Mioibana Iswargi loinabiba du manghankhre aduga lamja saragumba onkhre.

Eikhoigi hakchanga leiriba singli sing asisu eikhoigi hakchanggi mitna uba ngamdaba lanphamsing gi marakta amani. Masigi singlising asida mahik sing adu changduna eikhoigi hakchang manungda leiriba white blood cells sing adugi maiyokta lan touribani. Madugi mahik sing aduna ngamba tarabadi eikhoigi hakchangda laina makhal kaya changlakkani. Adubu madugi whaite blood cells aduna ngamba tarabadi eikhoigi hakchang adu aphaba oigani.

Genesiski lairik asida eikhoina Siddimgi tamkpak(thumgi samudra) adugi maramda paba phanggani. Madu ahanba lanphamni. “ Sinargi ningthou Amraphelgi haktakta asumna thokkhi, madudi Ellasargi ningthou Ariok,Elamgi ningthou Kedorlaomer amasung goyimgi ningthou Tidalga punna chatmminnarammi. Makhoina Sodomgi ningthou Bera, Gomoragi ningthou Birsa,Admagi ningthou Sinab, Jerboyimgi ningthu Semeber amsung Bela , haibadi Soyargi ningthuga lan soknarammi. Makhoi pumnamak asina Siddimgi ,mhaibadi Thumhigi patki tampakta pulap pulammi.” (Genesis 14:1-3).

Ngasisu nahak lanphamda leiribani,aduga nahakki maiyokta lepliba yeknaba leiribani-mahak atei kanasu nate, satanni. Mahakki ming adu Luciger kourammi. Atiyagi maphamsingda phattaba thawaising adubu satanga lepminnaribani. (Ephesians 6:12).  Nahakna taibangpangi maiyokta, hakchanggi maiyokta, amadi yeknaba adugi maiyokta lan soknagadabani.

Adubu lanngamba Jesuna nahakki damak leppiribani. Swargadutsing, cherubbimsing amadi masing thingamdaba seraphim mayamna nahakpu loinaribani. Aduga makhoina nahakpu mateng touri thougatpiri.  “Prabhuna nahakki damak ta lan soknabigani, aduga nahak ingthana leibiyu.” (Exodus 14:14).

Dhyan tougadaba: “eigi nungjao, Jehovah yhaiphasanu, mahakna eigi khut langi damak, eigi hutsasing lanphamgi damak tambi,” (Psalm 144:1).