Nov 29 – JUDHO BHUMI!

1 Samuel 17:19 “sob motha khan Israel laga thakishe ghati te Elah laga, jhugi kene Philistines  khan logote”.

Ghati Elah laga thakishe bishi zaroori judho bhumi. Tate duita sena thakishe khara kori kene khilaf te ek dusra laga; ek phine thakishe Israel laga sena; dusra phine thakishe sena Philistines khan laga.

Achanak pora, ekta dangor danav Goliath uthishe philistines khan laga sena pora. Tai chunoti dishe sena ke Israel laga aru hudishxe, “kun apuni khan majete jhugibo pare ami logote?” aru tai shrap korishe Isor ke Israel laga. Challis din tok inika hi chulishe.

Pura utu challis din tok, kun Israelites  khan bi khara koribo paranai shas te khilaf  hoi kene Goliath laga aru jhugibole tai logote. Aru inika ahishe David Elah laga ghati te; aru tai jitibo parishe Goliath ke ekta gitis aru pathor logote.

Ami khan porhe bishi judho khan pobitro kotha te. Kunuba judho bhumi khan dikhibo para ase ami khan laga suku te; hoilebi kunuba khan dikhibo napara ase ami khan laga gau laga suku pora. Adam bujanai ki Eden laga bagh tu thakishe ekta judho bhumi; aru harishe bachabole Eden laga bagicha ke. Adam aru eve tu chinta thakanai suraksha koribole bagicha ke. Itu laga natija, satan ghushi kene bagicha te aru thogai dishe Eve ke; paap, shrap, bimaar aru mrityu ghushishe prithibi te. Manu harishe maujudgi ke Isor laga, aru usor hoi kene rishta thaka ke Isor logote aru charishe alag hoi kene.

Navs khan ami khan laga gau te ase ekta judho bhumi juntu ami khan dikhibo napare. Virus khan hoilebi ghushibo khun bera rasta te, lorai koribo khilaf te white blood cells logote gau laga. Judi virus jitibo pare, tini hoille ami khan pai alag alag bimar khan. Hoilebi white blood cells khan jite judho te, titya ami khan thake bhal swasth.

Kitab  te Genesis laga, ami khan porhe Siddim laga ghati ke (juntu ase Salt sea) poila judho bhumi. “aru itu paar hoishe din khan te Amraphel Raja Shinar laga, Arioch raja Ellasar laga, Kedorlaomer raja Elam laga aru Tidal raja Goyim laga, itu raja khan jaishe judho te khilaf hoi kene Bera raja Sodom laga, Birsha raja Gomorrah laga, shinab raja Admah laga, Shemeber raja Zeboyim aru raja Bela laga juntu ase Zoar. Sob itu raja khan pichete milishe sena logote Siddim laga ghati te juntu ase dead sea valley.”(Genesis 14:1-3).

Aji apuni ase ekta judho bhumi te; aru tat ease dushman khan jun khan khara kori ase khilaf te apuni laga- tai ase satan junke mate Lucifer. Biya atma laga Isor swarg laga jaga khan te  khara kori ase satan logote (Ephesians 6:12). Apuni ke lage khilaf te judho koribole prithibi logote; gau te; aru dushman logote.

Hoilebi Jitya  laga Jisu Isor jit laga khara hoi ase apuni logote sob mahaanta pora. Duth khan Cherubim aru seraphim ginti te doshazar baar dos hazar te khara kori ase apuni phine pora; modot koribole apuni ke, shas koribole apuni ke aru tagot koribole apuni ke. “Isor pora jhugibo apuni karone, aru apuni dhuribo apuni laga shanty ke”.(Exodus 14:14).

Aji dhyan koribole laga pobitro kotha tu hoile Psalm 144:1 “ashirbaad ase Isor kea mi laga Pathor, jun shikhai ami laga hath ke judho karone, aru ami laga ungli khan ke judho nimite”.