Nov 29 – BACHABOLE PAAPI KHAN KE!

1 Timothy 1:15 “Krista Jisu ahishe itu prithibi te bachabole paapi khan ke”.

Kiman ahraam ase itu janibole ki Isor Jisu Krista ahishe itu prithibi te bachabole ami khan ke. Itu bi pura kora laga ase Isor laga kosom ke. Itu bhag pura podh laga dikhai anondo lagamulya ke.

Jitya Chela Paul koi Krista Jisu laga kotha jun ahishe itu prithibi te, tai koi itu ke iman morom pora. Tai dhonyabaad mon pora mane itu achurit morom ke juntu tai ke bacahi. Tai mate nnijor ke ekta paapi aru dangor paapi khan laga koi kene.

Bishi manu khan mazak urai tai khan laga junkhan prachar kore rasta khan te. Tai khan nakal kori kene bi koi, “yate ahishe pujari jun mate sob alag khan ke paapi. Tai khan bhabna kore tai khan dangor pujari ase aru bachi thaka ami khan paapi ase”. Tai khan mile inika nakal te kilekoile tai khan najane.

Tate ekta pracharak jun kori thakishe mantralay Isornimite ekdom josh pora aru shakti thaki kene; aru tai bishi kaam bhal korishe utu mantralay nimite. Tai laga mon posond podh tu itu thakishe “Krista Jisu ahishe itu prithibi te bachabole paapi khan ke”. Ekbaar tai juri she ekta mantralay logote, ekta manu bishi gusa uthishe aru tai ke dhuri thakishe ekta sunsaan jagate aru tai ke bandhi kene rakhishe ekta bosta te, itu bhabna kori kene ki itu osta ken au te uthai kene tai ke hagor te phelai dbibole rati laga homoi te.

Utu pracharak jani loishe ki tai laga din pongchi ase. Toh tai itu faisla loishe ki tai prachar koribo Jisu ke tai laga ses homoi tok. Toh, tai shuru korishe pracar koribole jor awaz pora bosta bhitor pora, itu koi kene: “KrIsta Jisu ahishe itu prithibi te bachabole paapi khan ke”. Aru kunuba manu khan jun khan paar kori thakishe  utu jaga  pora rukhishe sabole ki kote pora itu awaz ahi ase, aru khulishe bosata ke.

Utu pracharak jaap mari ulaishe bosta laga bahar pora, aru kobole shuru korishe: “sabi tai khan ami ke bandhi kene bosta bhiorte dubai dibole thakishe hagor te. Hoilebi apuni khan pora ami ke bachai she. Itu nishina hi satan bi paapi khan ke jama kori kene dubai dibole mon jai narak laga jui te. Hoilebi Isor Jisu ahishe  itu prithibi te bachabole utu papi khan ke”. Manu khan hunishe tai ke mon  di kene aru itu bonishe ekta dangor avsar utu prachark nimite kobole subh samachar ke bachai diya laga Iosr pora.

Ki jani manu khan niche sabole pare pracharak khan ke. Hoilebi Isor  Jisu ase tai khan uncha uthai diye. Pobitro kotha te koi: “kiman sundor ase upor paharkhan te theng khan tai khan laga jun  khan  ane subh samachar ke, jun koi shanty ke, jun ane bhal leher khan ke bhal saman khan, jun koi mukti ke, Jun koi sobse uncha, “Apuni laga Isor rajyo kore! (Isaiah 52:7). Isor laga bacha khan, ki apuni bi kobo subh samachar ke Isor laga, jun mane theng ke tai laga naukar khan laga iman sondor?

Aji bhabna koribole laga pobitro ktoha tu hoile Acts 16:31 “toh tai khan koishe, “biswas koribi Iosr Jisu Krista te, aru apuni bachibo, apuni aru apuni laga ghor manu khan bi”.