Nov 26 – Kitungan a Tarangdi Lingan Dakute!

“Aboi jordan daku, anta d’an Kitungan a gardan do Kuddub Saring Lanangka Kitungan a marid s’ingan abm’oihte. Kitungan kan gardan a tarangdi lingan dakute do antate daneddedan adde-e” (Sanenken 46:4-5)

Yangaleja, Kitungan Tabme lanadan tiyaten Tabme Anosaij-lingan, Marid Janggardan a lanadan. Angante bo mandra lanadan dete, anin ijjaja ad’e karahidan orde bigda kanalkalanji batte janang.

Papwr Anosaijan ayam-ling, Kitungan gadlamlangten Ganadrerdeb abmele do lanadan tiyle Abraam a d’ong. Kan abmele, anppai Pol idol-le: “Ganadrerdeb ijjaja ted, do er gadrerdeb janang ijjaja ted, bindo Kitungan a banaihberanji a manannen maih sanaisai daku. Kun adanisaman, aparamangtan a tudru j’adan gamlamte, anabbagu a tudru jontun gadlamte do anabyagi a tudru jolda tumadgij-maranji a d’ong gadlamte (Jisaiya 60:14).

Do kan kuddubanji batte ordar-lingan sonuman danete. Do Anna abmele, Bibol-lingan gijtabe. Do antayam saring anin unji kurdi-unji inhum ambrij a delen sikkoi ja juarboijan dele. Kun ayam Kuddub ongeronanji anansan dele Gamangtungan abmele do Ganadrerdeb deleji?” (1 Korintianji 3:16).

Kuddub ayengan amandranji ganadrardaban deleji, aninji a d’ong anansan deleji, do aninji Kitungan ate gamle anabpengan dele. Do aninji Kitungan anabsittan do a janzbjzban abmele daneleji. Abraam jujunji ajuju dele ayengan amandranji. Do a d’ong Ganadrerdeb adeleji aninji abojoraileji. Do kuddub Israelelanji Gamangtungan asaneda maranji deleji, Abraam saring, Ganadrerdeb a lanadan batte.

Aninji tanandzmar deleji Gamangtungan amang saring Jepaniya 3:17. Kan a ganadrardaban a lanadan kun ayam-ling saring Kristu akarahidan sikoija arakadang-lingan. Aboi lanadan abmele anlen janang kznoltabe bibol-lingan, sonuman a lanadan, sonuman tiyte kun ayam-ling! Tumadgij mar Balaam; Gamangtungan Marid Janggardan batte ladbenten. Gamangtungan a Janggarda tamsuneten Janggardaben batte, do abpungele amben Anin ate. Kitungan batte lanadan adelabenan asan, tanandz ayam a bantongben sanaisaited.

Kitungan gadlamle Ganadrerdeb abmele J’en orde janggardadage a Ganadrerdeb a l’ung marlen. Do d’ongdage a Ganadrerdeb ted. Anin roitadmar abmete a dernan batte, d’ongdage Ganadrerdeb erdelabe. Tabme Anosaij-lingan, Ganadrerdeb a lanadan lumben dete gimleted. Tanahimdam Kitungan a onagji, ambendaman marid mandrengna abhanaba.

Okiy Kinolbe absele: “Seletten Hen Israel a tarangdi lingan daku, bar Hen Gamang Kitung-ben daku, bar bzgarda buteja ted, bar mandra-Henji anga janang ganarojan adhangji kanate amben a galamte” (Joel 2:27)