Nov 26 – ISWARNA MADUGI AKOIBDA LEIRI!

“maduda turel ama leiri, aduga madugi ising aduna Iswargi sahar adu haraohalli,madu Iswargi asengba  ningnasang ni. Iswarna madugi akoiba leiri.” (Psalm 46:4-5).

Iswarna nahakki akoidaba matam leiba khibikta leiri. Iswarna eikhoigi akoibada leiriba  haibasi khallaga kayada pukning themjinbibano? Iswarna nahakki akoibada leiribanina nahakna keidoungeidasu lengba leiroi.Taibang asida nahakpu kananasu lenghanba ngamloi.

Ngaisigi verse asida Iswargi sahar haiba ama leiri. Madu khwaidagi athoiba Iswargi ningnasang ni. Madugi sahar adu kadaida leibage? Aduga madugi sahar adu kanano? Maichou Isaiahna hairi, “nahakpu oipiramba machasingsu nahakki nakta laktuna kok nonthagani,aduga nahakpu thouwa sadaba misingna su laktuna nahakki khuyada tuthagani. Aduga makhoina nahakpu Iswargi shahar, Israelgi asengba   Zion kougani.” (Isaiah 60:14).

Iswargi machasing, nakhoi Iswargi sahar ni. Aduga Iswrana nakhoigi akoibada leiri. Aduga Iswargi thawaina nahakki nungda leiri. Sastrana hairi, “nakhoigi Iswragi ningnasangni haiba khangdabra, aduga Iswargi thawaina nakhoigi nungda leiri haibadu khangdabra?” (1 Corinthians 3:16).

Matam amada thajaba amasi hospitalda admit tourammi aduga mahakki hakchanggi phibam adu nongma nongmagi waba hellammi. Hidak langthak kaya tharabasu kananba leiramde. Doctor singnasu mahakpu pharakkani haiba asa leitre. Adubu mahak siramdaida Iswargi wasaksingbu ningsinglakkhi. Mahak Iswargi saharni aduga Iswarna mahakki nungda leiri haibasisu ningsinglakkhi. Aduga Iswarna mahakki nungda leiri haiba khanglakkhi.

Madukhak nate. Mahakna  Zephaniah 3:17 adusu parammi, “Prabhu Iswarna eikhoigi lakta leiri,thoihellaba Iswarna eikhoibu kanbigani,eikhoigi thakta Mahakna haraojagani,Mahakki nungshibada eikhoigi ingthahangani,Mahakna esei saktuna nahakki thakta haraojagani. Mahakna madugi  wahei adu pabada mahak thajabana thanduna Iswarna mahakki nungda leiri haiba chetna thajarakkhi. Mahakki sontharaba  hakchangdasu Iswarna loinabi haiba khanglakkhi. Madugi mikuptagi mahakna Iswarbu khurumduna thagat esei sakpa hourammi.

Madudagi mahakki hakchangda achouba ahongba ama lakkhi. Mahakki hakchangda ana ayek kari amatasu leitaba makhei ahongba haidu lakkhi. Iswarna mahakpu mapum phana  healing toubikhi. Iswargi machasing  Iswarna nakhoigi narakta leiri. Nahakki yumda, officeta aduga mapham khudingmakta leiri

Dhyan tougadaba: “maduda eina nakhoigi lakta leiri haiba khanglakkani,eihak nakhoigi  Prabhu Iswarni aduga atei kanasu leite. Eigi misingbu ikaiba nanghalloi.  ” (Joel 2:27).