Nov 19 – JITYA APUNI PAAR HOI ITU NADI KHAN PORA!

Isaiah 43:2 “jitya apuni paar kore nadi khan pora, tai khan apuni ke paar nakoribo.”

Itu bishi asaan hobo paar  koribole ekta rukhi thaka pani ke. Hoilebi itu bishi taan ase paar koribole utu upor utha ke aru garja laga dangor awaz pora. Homoi ase jitya tai khan paar kore tai khan ke bahai kene loi jai. Hnoilebi Isor kosom diye ki jitya tai khan paar kore nadi khan ke, tai khan bahi najabo.

Sri lank ate, ekta tamil porivaar khan ke hamla korishe. Tai khan bhangai kene khuli she darwaza ke aru ghushishe ghorte. Bura ama baba khan aru tai laga duita chukri jaishe ekta karma te aru prathana koribole shuru hoishe.

Ama baba khan bishi digdar te thakishe tai khan laga mon te, aru bhoi khaishe ki bhir pora tai khan ke morai dibo aru dukh dibo tai khan laga bacha khan ke koi kene aru borbad kori dibo tai khan laga jibon ke koi kene. Hoilebi Isor pora inika hobole diya nai. isor jun  kosom dishe ki nadi khan apuni upor nabahibo, bishi tagot thakishe tai khan ke bachabole.utu honoi te hi, ekta police laga van ahishe utu jag ate kiba kaam karone  aru utu manu khan bhabna korishe tai khan ke dhuribole ahishe aru polai jaishe utu jaga  pora. Inika hi utu porivaar bachaishe, aru porivaar pora dhonyabad jonaishe aru mahima dishe Iosr  ke inika achurit pora bachai diye nimite. Kitya bi nahara laga amujudgi Isor laga apuni logote ase hbodai din, nadi kitya bi apuni ke paar nakoribo. Pobitro kotha te koi: “hazar kha apuni te girbo pare aru dos hazar bi apuni laga dahina phine; hoilebi tai khan usor ahibole naparibo” (psalm 91:7)

Aji, apuni dihi thakibo pare bishi bhari leher khan nahoilebi khara kori thaka dangor hagor ke. Leher khan hili thakibopare aru apuni ke phelai kene apuni ke paar koribo pare. Hoilebi apuni bhoi nakoribi. Isor laga maujudgi; jun kosom dishe apuni logote thakibole jitya apuni paar kore  pani ke; tai ase apuni logote hodai din. Nadi khan bhoi laga hobo pare. Hoilebi kilekoile Isor apuni logote ase, tai khan kitya bia puni ke paar nakoribo.

Isor koishe moses ke: “jitya apuni jai lorai koribole apuni laga dushman khilaf te, aru sai ghora khan kearu rath khan ke aru manu khan ke apuni pora bi bishi, tai khan ke bhoi nakoribi; baba isor apuni got ease, kun apuni ke anishe Egypt laga mati pora.” (Deuteronomy 20:1).

Isor laga bacha khan, judi biapuni pai bishi dukh khan ke, nahoilebi bishi khilaf khan, isor khali apuni laga taraf te nahobo hoilebi tai apuni laga lorai khan ke larib. Isor jun koishe ki tai hodai hi apuni logote ase, itu shristi laga ses tok bi, hosa thaka ase ki hodai din hi Tai lag kosom ke rakhi bole.(Matthew 28:20).

Aji bhabna koribole laga pobitro kotha tu hoile Isaiah 41:10 “bhoi nakoribi, kilekoile ami apuni logote ase; mon dukh nakoribi; kilekoile ami apuni laga Isor ase. Ami apuni ek tagot dibo, hoi, ami apuni ke modot koribo, ami apuni ke dhuri thakibo ami laga hosa pora ami laga hosa hath pora.”