Nov 18 – NAHAKNA ISING LANNA CHATPADA!

“nahakna ising landuna chatpada, eina nahakka loinagani, aduga turensing landuna chatpada, makhona nahakpu thumhatloi, mnahakna meinungda chatpada, nahak chakloi, meirinasu nahakpu wairoi.” (Isaiah 43:2).

Moses amadi Israel machasingbu Red Sea gi torbanda leirammi. Makhoigi mangda paklaba Red Sea adu leirammia aduga makhoina madu karamna lanthokkani haiba khanglamde. Israel machasinggi damakta madu oithoktaba thabak ama oirammi. Makhoi million ani surami aduga makhoigi marakta nupi angang amadi hanuba hanubi mayam su leirammi.

Adubu Iswarna Moseski cheisu adu sijinnaduna pak chaoraba samudra adu khaidoklammi. Israel machasing madugi ising lanna chatpada makhoina Isawrgi loinabiba adu phaorammi aduga Iswarna makhoiga chatminnei haibagi ithil su phaorammi. Davidnasu asumna irammi, “adudagi isingna eikhoibu thumhatlamgani, ising khongna eikhoigi thawai neihatlamgani.  Chaokhatlakpa isingna eikhoigi thawai thumhatlagani.” (Psalm 124:4-5).  Davidna asumna Iswarbu thagatlammi, “makhoigi khayatta  tahandaba Iswarbu thagatpa oisanu.”.

Israel machasingna ising ama amukk lanba takhi. Madu Jordan turelni. Madu na louroktha chuppa torban pikthanna chenduna leiribani. Madu yamna saphu kanna chellibani aduga kanagumba mi amana lange tourabadi adum puduna thaothagani. Maram aduna madu Sibagi turel hainasu khanglammi. Adubu Israel machasingna madugi turel adu su lanthoklammi haiba nahakna khangbra? Warepnabagi upu puriba purohitsing aduna madugi turel adu khwaidagi ahanbada khongna nettuna khongsanba houkhi. Adudagi Jordan turel adu leptuna mapei gumna leple. Madugi thoudok adu wakhal touba asukki matik angakpa ama oiri. Ising adu leppada Israel machasingna angakpa maongda madugi turel adu lanthokkhi.

Ngasisu awaba amadi ikaiba turel gi isingna nahakpu koisillibra? Sastrana hairi, “aduga Ibungona nangonda  awabagi tal amasung otneibagi ising pirabasu, nahakki ojasing adu kahinda amuk hanna lotlaroi, adubu nahakki mitnadi nahakki ojasing ugani. Aduga nakhoina oida leisinbada nakhoigi nakongsing natungda wa ama  tagani, masi lambini, masida chatlu”.” (Isaiah 30:20-21).

Elijah amadi Elisha na langada turel amasu leirammi. Aduga madugi turel adu lanthoknaba Elijah na mahakki phi tasinduna madugi ising adu yeiduna khaidoklaga lanthokpa takhi. Madugi phi adu Thawai asengbagi khudol amadi panggalgi khudamni. Punshigi awaba kayabu lanthokpa ngamnaba nahakna Thawai asengbagi khudol amadi panggal mathou tagani. Iswargi machasing,kallaba isingna nahakki nathakta  thumhatloi. Aduga taibanggi awaba kaya asina nahakpu ngamloi maramdi Iswarna nahakka loinaduna chatminnei.

Dhyan tougadaba: “nahakna misingbu sijinnaduna eikhoigi kokthakta thouhalle, eikhoina meirakta amasung ising manungda chatkhi, adubu nahakna eikhoibu marang kaiba maphamda pubirakle.” (Psalm 66:12).