Nov 18 – Angante Aman D’a Lingan Sanle Padle Yerte!

“Angante aman d’a lingan sanle padle yerte, seletten Hen aman ampara dakutenai; do angante aman alonji a tarangdi sanle yerte seletten kuni d’ong-nam anagante aman togin a tarangdi hale yerte seletten aman janumtudan adde-e do hamang alangtudan d’ong-nam jumle adnabkumabam” (Jisaiya 43:2)

Mojes do kuddub Israel a mandranji J’e ganungban dakuleji. Ordaran ogandite Talaiba ayam abmele iten asan gamlenden eram’oihdage amandrengna. Ateng mandranji talaiban ayam-ling oganditeji a passijanji abmele bo surda anabdukkan dete gamle, orde iten dete aninji rugaman batte bzmbzman delenden gamle.

Bindo Kitungan a mandranji, talaiba ayam er t’ulan ted aberna bindo ranadun. Kan anangan abernated bindo anabsittan aberna. Ordardage a dane maranji gijgijba. Tamilnadu lingan, Rajaji bo danemar, do EVR orde ‘Oeriyaar’ gamle gamteji, ayengan amandranji ranukkun abmele tanangteji, bagu manengba bara dete, aninji mandranji amang yirle mailen do kuddub sanaisajanji tiyteji, (Sanenken 124:4-5). Angante aninji ateng mihnum deteji adnang janang. Aroyonganji agaja erasihdlabe orde kun bara lumteji, ameng adakutenji adnang sikkoija.

Do amihnumanji abmele itejated. Ajardina, ganalaman hangteji kun Talaiba ayamlen, kun ayamlen kun dane maranji sanayam baran lumteji. Butente talaiba dakuteji aninji aboi bo bangsa ayaman itente ahangteji ate! dernadage a baran yan a langa do yan a bangsa kun ate! bibol-lingan kznol-labe, kan kuddubanji saring, bo bangsa do ranapti yagi mandranji abmele: Mojes, Kaleb do Anna. Mojes abmele bibolan gamte: “Angante Mojes kahidle, seletten anin bo sua bokurdi minhum dakule. Dijte ayam sikkoi ja anin a m’odan a ganijgijan adnasuijad do anin a d’ongan balai addakuad”. Kaleb gamle: “Bindo nami gija, Gamangtungan Mojes a d’ong opungeten ayam saring nami sikkoi ja bakurdi-monloi minhuman dele.

Seletten Israel maranji rzngrzng tulab lingan endungle yerreji do Gamangtungan anin a tam bernan ambrij anta ayam saring nami sikkoi ja d’ong-hen abm’englih. Bar gija, nami hen unji kurdi-monloi minhuman delih. Dele janang Mojes angante appailih angale ranadu-hen dakule, ettele nami janang daku; do sanun apsele engale ranapti-hen dakule, ettele nami janang daku”. Do sarebasingan saring er dunglabe anamnan bar garberan batte tamba-togal anin Kitungan a d’ong gangkileten” (Jisaiya 30:20-21).

Do Anna abmele, Bibol-lingan gijtabe: “do antayam saring anin unji kurdi-unji inhum ambrij a delen sikkoi ja juarboijan dele. Tanahimdam Kitungan a onagji, a kudidongne amben a talaiba tabenan abmele. Bibol-lingan gijtabe “dananggarda-nam raja-ontidan ambrij tabme dete. Kan a berna gadlamlangten “Bindo ayengan a mandranji Gamangtungan apsele omdeteji, aninji tabme tabme ranaptin hangteji; aninji raja-ontidan ambrij renengle lanangkaban engteji; aninji yzetenji bindo lingkij ongkijge adde-eji.

Okiy Kinolbe absele: “Bera mar-lenji b’ob-len a langka hadaben asan Aman ordele; anlen togin do kanlzngdan a tarangdi lingan sanle a yerre bindo nami Aman d’ong-len erabmuij a darakunaban urunglalen” (Sanenken 66:12)