Nov 15 – MON JUNTU BUJE!

Deuteronomy 32:28-29 “kintu tai khan ase ekta desh khali salha te, na ase tate iku buja tai khan te. Oh, ki tai khan thakishe gyani, ki tai khan buje itu ke, ki tai khan mane itu piche hekh te!”.

Itu khan ase hobdo khan ki Isor pora koishe manu khan ke Israel laga. Ki thakishe taikhan gira laga. Pura tai khan laga safar te jongol te, tai khan uksaishe Isor ke.

Israelites khan iman anondo thakishe jitya tai khan charishe Egypt ke dhon logote juntu tai khan loishe Egyptians khan pora aru tai khan laga jontu janwar logote. Sob poila jonom khan Egyptians khan laga morai dishe, jitya Israelites khan laga ghor manu khan ke bachaishe Isor pora paar hoi jaa memna pora.

Jitya Moses uthaishe tai laga rod ke aru barhaishe tai laga hath ke Lal Samundar  laga uporte, pani khan bhag hoishe, toh bacha khan Israel laga beraishe majete hagor laga jinika sukha mati te. Isor phelaishe pharaoh ke aru tai laga sena khan ke majete hagor laga, dubai dibole jitya Israelites khan prashansha kori thakishe gana gai kene aru gaurav kori kene Isor ke.

Isor korishe bishi achurit kaam khan ke jongol te. Tai adesh dishe khuta khan ke badal laga, aru khuta khan ke jui laga loi jabole Israelites khan ke. Tai dishe tai khan ke Manna, khana duth khan laga; Tai dishe tai khan ke pani Atmakarik Pathot pora. Itu khan sob hoilebi, tai khan morom koranai Isor ke. Tai khan uksai she Tai ke aru bakishe khilaf te Tai laga; aru shikayat korishe khilaf te Moses laga. Itu karone taikhan laga gau bhag hoi jaishe hodai din tai khan laga safar te jongol te.

Pobitro kotha te koi, “itya itu saman khan bonishe uddharan, itu bhabna te ki ami khan lobh nakoribo lage biya saman khan pichete jinika taikhan lobh thakishe. aru nahobi murti seva kora jinika kunuba khan thakishe. kilekoile  itu likhi ken ease, “manu khan bohishe khabole, aru uthishe khilibole” (1 Corinthians 10:6-7).

“nahoilebi koribole nadibi sharirik paap, jinika kunuba khan korishe, aru ekdin te te-is hazar ta girishe; nahoilebi ami khan porikha lobule nadibi Krista ke, jinika kunba khan porikha korishe, aru tai khan ke khotom korishe saap nishina; na shikayat, jinika kunuba khan shikayat korishe, aru khotom hoi jaishe khotom kora pora. Itya itu khan sob saman khan hoishe ekta uddharan te tai khan ke aru tai khan likhishe ami khan laga chetavni te, juntu te hekh umar laga ahishe” (1 Corinthians 10:8-10).

Duilakh manu khan jun khan jaishe Egypt pora, khali duita manu, juntu Joshua aru Caleb, aru pabole pratigya mati ke Canaan laga. Isor laga bacha khan, jinika Joshua; aru jinika Caleb apuni piche koribo lage Isor ke sonmaan te mon laga; aru apuni laga hekh hobo gauravmai.

Aji dhyan koribole laga pobitro kotha tu hoile Philippians 2:12 “kaam koribi apuni laga nijor paritran ke bhoi logote aru kapi kene”.