Nov 12 – Ranan a Desan!

“Aboi alon ahim Pison. Antate ranan dungten a Abila desan sikkoi ja gante. Kun desan aboi ranan boiboi bangsa bar kotten saring mukta do gumedok janatti aran dungte” (Aparamangtan 2:11-12)

Bibolan gamte aparamangtan a alon ahim Pison do a dungten a Abila desan sikkoi jag ante. Anlen ganabdilan delai jelun do mihaman batte. Bindo Kitungan Janggardadagena.

Angante jelun do mihaman batte ganabdilan delai, Kitungan d’ongdage a d’ong adgadilad. Bindo anlen apsele, gabdilai Janggardan batte, Anin mandradage jelun do mihaman batte. Anin yirai ordarban Kristu Jisun mandradage. Aboi berna daku bo passijan abmele, bo muidan gijle do as’in muida a mukaba dakule!

Kanalkalan saring abluben. Bindo muida kun apsele erogandilabe endungle dakuneten kanalkal-lingan. Passijan surda sandranle gamle dakuneten. Bindo muida kun a berna abmele adganludad. Yangan ablule muida kun akanalkalan saring? Aboina sattang tagoran daku anindaman muida ilen amangba yire a oblingben apsele. Ajardina Kitungle Jisun kun ambrij lumle anlen abmele.

Ruangan saring Kitungle gijgijle dakuten mandranji yangam kani ordarlingan er maridling dakule do togisingba ayirteji ate, kun togi s’ing-lingan januntudan sattang dakute.

Anten asan Anin amangba arunben abmele ogandite, do mandran a d’ong jelun do mihaman batte aorungbe. Kitungle, jelun d’ongan batte yirai, mandranji apsele a d’ongdaman tiyle. Anin a mihaman lale arakadang-lingan. Do kun mihaman batte pintuleji gijdale do sonuman abab hale.

Kristu Jisun abmele ateng bernanji Bibol-lingan daku d’ongdage aberna. Anegoi gamte Anin a jelu d’ongan, anin tiydamlen garberan do arasudan, edanan batte do amadan batte. Anteng ayam amdanglabe mandranji gamteji garberna ayamling dimadatilen. Do aninji garberna lingan ergoblabe gamteji d’onglen ert’ul (Ayob 23:10).

Bibolan gadlamlangten: “Ettegoi na Janggardan janang balai-len a panardun darditalen, iten asan gamlenden itente abmele a garberben roitad daku (Ebri 6:1). Antate anlen aggalambe, bindo Janggardan batte anlen apsele dandrab garberte” (1 Korintianji 12:9); Tanahimdam Kitungan a onagji, Jisu Kristun (Galatianji 5:22). Tanahimdam Kitungan a onagji, orde dane maranji a mukka orde bittin.

Okiy Kinolbe absele: “Antate ranan saring awr itsumdam, u u, tangjab ranan saring awr itsumdam; antate ababda-dangan do adangdan saring awr ragaldam” (Sanenken 19:10)