Nov 12 – MATI SONA LAGA!

Genesis 2:11-12 “naam poila laga Pishon ase; itu ekta chutu nadi se pura Havilah laga mati te, jote sona ase. Aru sona utu mati laga bhal ase”.

Pobitro Kotha te koi naam poila nadi laga Pishon ase aru ki itu polai pura Havila laga mati te. Itu kotha Havilah motlob ekta gol nahoile anguthi ase. Itu thake polai kene aru kitya bi sthir nathake.

Jitya apuni ke chuni loi, Pobitro Atma ahe apuni te pura din aru rati te. Tai kaam kore pura din khan te, hafta, mahina aru pura saal bhar te. Tai hi ase jun hodai din apuni laga jibon ke samridh bonai. Tai itu kori thake lagatar. Hosabi itu iman achurit asse!

Itu kiman bi dangor avsar ase jitya Pobitro atma; swarg laga ndi bahe apuni te. Itu pora ulai sona mati te. Itu shabdh sona koi kene thaka pobitro kotha te duita bhabna kori ken ease. Poila, sona mane koi pobitrota ke. Dusra, sona koi biswas ke bi. Jitya Pobitro Atma ahe apuni te, tai nirmaan kore pobitrota apuni te; juntu iman kimti ase aru biswas juntu zaroori ase.

Itu namumkin ase thakibole pobitro jibon Pobitro Atma nathaki kene. Itu mumkin nahoi paar koribole aru pabole jit lobh aru prithibi laga icha khan pora, Pobitro Atma nahoile.

Itu karone Pobitro Atma diye pobitrota ke apuni te ekta swarg laga nadi nishina sapha koribole apui laga atma ke. Tai ane swarg laga pobitrota ke, juntu ase iku dagi nathaki kene; utu kisim laga pobitrota juntu Isor icha kore.

Sona pai itu laga chamak jitya itu ke chane jui te. Itu nishina hi jitya Pobitro Atma apuni ke bhorta kore, Tai hatai sob biya khan ke aru sapha kori thake apuni ke aru bonai apuni ke chamki bole sona nishina. Itu karone Job koi: ki jitya Isor pora porikha loishe, tai ulabo lage sona nishina” (Job 23:10).

Dusra, sona itu kimti biswas ke bi koi. Biswas tu ekta dorkari sikh ase. Itu biswas Isor phine (Hebrews 6:1). Itu uphar atma laga bi ase (1 Corinthians 12:9); aru itu phal ase atma laga (Galatians 5:22) Isor laga bacha khan, hobole dibi swarg laga nadi ke; Pobitro Atma  ke bhorta koribole apuni ke ki apuni barhi bo itu sob tinta kisim laga biswas te.

Aji bhabna koribole laga pobitro kotha tu hoile Psalm 19:10 “bishi icha koribole ase itu khan sona pora bi, hoi, ekdom bhal sona; mitha  shehed pora bi aru madhumakhi laga mausak pora bi.”