Nov 03 – DANGOR JACOB PORA BI!

John 4:12 “ki Apuni dangor ase ami khan laga baba Jacob pora bi, jun amikhan ke kuha dishe?”

Itu smaritan maiki hudishe Isor ke mon dangor kori kene judi Tai dangor ase Jacob pora bi naholebi tai khan laga bura baba khan pora? Itu kuha juntu te tai jaishe pani uthabole thakishe Jacob pora khund. Aru bi hazar saal pichete Jacob laga homoi pora, utu kuha tu sukhanai aru biya hoanai.

Itu kuha pora dishe pani bujhabole pyas ke Samaritans  khan ke aru tai khan laga janwar khan karone. Jitya bi Tai khan paar kore utu kuha ke, tai khan yaad kore Jacob ke dhonyabaad mon pora aru naam uncha kore tailaga dangor manu koi kene.

Ami khan laga Isor dikhai utu kuha tu aru koi utu Samaritan maiki ke, “junbi khabo itu laga pani ke aru bin pyas lagibo, hoilebi jun bi khabo pani juntu Ami diye tai kitya bi pyas nalagibo. Hoilebi pani juntu Ami diye taike hobo taite ekta jharna hodai din laga” (John 4:13-14). Iku pani kun kuha laga hoilebi itu prithibi laga pora tulna koribo naparibo itu pani hodai din laga ke; juntu ami khan laga isor pora diye.

“itu karone, anondo pora apuni lobi pani mukti laga kuha pora” (Isaiah 12:3). Ekbaar apuni khaile pani mukti laga,a puni kitya bi pyas nalagibo aru. Jitya david pora koi pani mukti lagga, tai koishe: “ami lobo cup mukti laga,a ru matibo naam Isor laga” (psalm 116:13). Itu cup mukti laga modot kore apuni ke lobule pani jharna mukti laga pora.

Jacob kun por a khundishe kuha ke bishi uncha sahas thakishe. Ajibi, manu khan bhabna kore tai khan ke jun khan tai khan ke modot kore dukh homoi te. Tai khan najane ki inika modot pa manu khan pora bi uphar ase Isor pora, aru najani kene manu ke hi naam uncha kore jun tai khan ke modot kore.

Sorkar pora koishe ki judi kunba Christian hobo mon, tai khan iku bi faida khan napabo tai khan laga  jati manu laga juntu tai khan agete pai thake. Itu karone, itu labh ke pabole, kunba manu khan koi ke tai khan Christian nahua hoishe  aru gentile manu khan nishina thake. Kiman biya ase Isor ke mana kora tu sorkar laga labh khan ke pabole?

Bishi khan itu najane ki tai khan khara koribole ase Isor laga agete, jun dangor ase Jacob pora bi. Tai khan kitya bi sabit koribole naparibo tai khan laga prithibi laga kaam khan ke faisla laga din te. Isor laga bacah khan, apuni kitya bi napahoribi ki ekjon dangor ase Jacob pora bi apuni logte ase.

Aji bhabna koribole laga ppobitro kotha tu hoile psalm 146:5 “kkhushi ase tai jun logote ase Isor Jacob laga tai laga modot nimite, junn laga akkha Isor Prabhu te ase.”