Dec 03 – JACOBTAGI CHAOBA!

“masigi guha pibiramba eikhoigi ipa Jacobtagi nahakna chaobra? ” (John 4:12).

Samaria gi nupi aduna thouna phana hangliba adudi Jesuna Jacob amadi ipa ipusingdagi henna chaobra haibasini. Mahakna ising sokliba guha adu Jacobna  tourambani. Chahi lising kaya houkhrabasu madugi guha adu ising kanglamdri.

Madugi guha aduna Samaria gi mising amadi  sasan singgi khourangba kok hallammi. Makhoina madugi guha aduda phaoduna chatliba khudingda Jacobpu ningsingkhi aduga mahakpu achouba mini haina ikaikkhumnakhi.

Eikhoigi Prabhu Jesuna madugi guha adu yengduna Samaria gi nupi aduda asumna hairammi, “masigi ising  asi thakliba mi khuding amukka khouranggani,adubu eina pigadaba ising adubu thakliba misingbu amukka hanna khouranglaroi. Eina pigadaba ising adu makhoigi pukningda leiduna lomba naidana h ingba pinaba thorakpa isinggi iphut oirakkani.” (John 4:13-14).  Taibang asida leiriba guha mayamna pithokpa ising aduga Jesuna pigadaba ising adu  changdamnaba yaroi. Jesuna piba ising aduna lomba naidaba punshi phanghalli.

“aduna nahakna harao haraona arankhubamgi guha adudagi ising sokchou.” (Isaiah 12:3).  Nahakna arankhubamgi ising adu thakpada nahakna amuk hanna khouranglaroi. Davidna arankhubamgi ising gi maramda wari sabada mahakna asumna hairammi, “eina arankhubamgi tenggot adu loukhatkani,aduga Prabhugi mingda koujagani” (Psalm 116:13). Arankhubamgi tenggotna nahakpu     arankhubamgi iphuttagi ising sokpada mateng pibibani.

Madugi guha touramba Jacob adu mina wangna ikaikhumnaba utlammi. Makhoigi mateng pangbiramba misingna makhoibu pangbiramba mi aduda ngasiphao ikaikhumnaba uttuna leiri. Makhoian midagi mateng phangkhiba sing asi Iswardagi lakpa khudolni haiba khangde aduna mioibada matik mangal pibire.

Kanagumba mi amana Christian changlabadi makhoina phanggadaba khudongchaba sing adubu piroi haina Governmentna laothoklammi. Aduna mi kharana governmentdagi phangba yaba khudongchaba sing adubu phangnaba makhoina Christian nate haina laothokkhi. Sarkar gi kannaba ama phangnaba Jesubu yadaba haibasi kayada tonthakhraba punshi no?!

Jacobtagi henan chaoba Prabhugi mangda nongma lepkani haibasi misingna khangde. Wayenba nu mitta makhoina makhoigi taibanggi oiba thabaksing adu chummi haina phongdokpa ngamlaroi. Iswargi machasing, Jacobtagi henna chaoba ama nangga loinei haiba adu keidoungeidasu kaoganu.

Dhyan tougadaba: “makhoigi matenggi damakta Jacobki Iswarbu phangjaba misingbu yaiphabani,makhoigi ashadi Prabhu Iswarda leiri.” (Psalm 146:5).