Appam - Nagamese

May 29 – ISOR LAGA MAUJUDGI ARU MON EKTA!

1 John 1:3 “ki juntu ami khan dikhishe aru hunishe ami khan ghoshna korishe apuni ke, ki apuni bi ami khan logote milibole”.

Jitya Isor dikhaishe Nijor ke itu prithibi te, Tai chunishe ekta sangathan manu khan laga Nijor te. Purana Niom te, Tai chunishe barohta bacha Jacob laga, aru bonaishe tai khan ke barohta jati te. Notun Niom te, Tai chunishe barohta chela ke aru bonaishe tai khan ke chela.

Purana Niom te, Tai gaurav korishe Tai laga naam ke Israelites jugedi aru boanaishe tai khan ke lobule mati ke Canaan laga. Aru Notun Niom te, Tai dikhaishe chela khan ke goshna koribole susmachar ke,a ru anibole manu khan ke mukti te.

Mili thaka bacha khan logote Isor laga, anibo Isor laga mujudgi te, achurit shanty aru anondo te apuni laga  mon te. Bishi girja khan te tate iku mil milap nai nahoilebi morom manu khan majete. Tai khan ahe aru jai service khan pora; aru tate bhai chara laga iku morom nai. ekbaar jitya ami bearaishe mantralay laga kaam nimite, ami bishi dukh paishe duita girja ken agar te sai kene; dangor jati aru Chutu jati nimite.

Ami khan laga Isor ami khan ke kitya bi alag nakore;  aru Tai kitya bi icha nakoribo Tai laga gau- girja ke bhag hobole. Pobitro kotha te koi: “hosabi ami khan laga milap ase Baba aru Tai laga Putro Jisu Krista logote” (1 John 1:3).

*Kilekoile ami khan sob dhulaishe ami khan laga paap khan pora iki khun pora, bhorta hoi kene iki Pobitro Atma pora, aru ase ekta Baba Isor, tate iku bhag nahobo lage nahoilebi iku alaga ami khan majete.

Jitya bi apuni ahe iki logote Girja te, apuni hatabo lage sob tita ke aru bhag khan ke ki apuni anondo hobole mitha maujudgi te Isor laga. Pobitro kotha te koi: “thakibi, kiman bhal aru sundor ase itu bhai khan karone jun khan iki logote thake milap te!” (Psalm 133:1).*

Poila, apuni morom koribo lage Isor ke apuni laga puramon logote, atma aru sob tagot logote. Apuni inika hi morom koribo lage dusra manu khan ke bi.

Pobitro kotha te koi: “judi kunuba koi, “Ami morom kore Isor ke, “aru ghin kore tai laga bhai ke, tai misolia ase; kilkeoile tai jun nakore morom ke tai laga bhai ke jun  ke tai dikhise, kinika tai morom koribo Isor ke junk e tai dikkhi pannai? “ (1 John 4:20).

Isor laga bacha khan judi bi ghor te anhoilebi girja te, pauni kitya bi anubhav nakoribo Isor laga maujudgi ke, milap laga morom nathakile. Jani thkaibi itu ke aru berabi itu hisab te hi.

Aji dhyan koribole laga pobitro kotha tu hoile Matthew 5:23-24 “itu karone, judi apuni ane uphar dhip te,a rut ate yaad ahe ki apuni laga bhai pora kiba ase apuni khilaf te, chari dibi apuni laga uphar tate dhip te, aru jabi apuni laga rasta. Poila mili lobi apuni laga bhai logote, aru tini hoile hi ahibi aru dibi apuni laga uphar ke”.

Leave A Comment

Your Comment
All comments are held for moderation.