Appam - Soura

May 23 – Gananludan a Yaman!

“bar Isakar a mandranji amang saring bagu sua murda maranji dakule, (aninji jugaberan a galam marji; Israel iten a lumben dete, antate aninji galam, bar aninji a kuddub buhanganji aninji a banaihan mannele dakulenji)” (1 Birinda 12:32).

Bibolan gadlamlangten Isakar a O’n abmele. Anin a yaman abmele ganludleji do iten alumben deten abaiben asan (1 Birinda 12:32).

Tanahimdam Kitungan a onagji, mang-ling-ben ayaman dakupo? Amben ayam er hangdramlaben a dakutenpo? Amben agalamtepo jajzn a sagai daku anlen tanakudban saring? Kitungan a dinnan abmele amben oskaidampo daku?

Parosinji do sadukkinji yirlaji Jisu Kristun a d’ong a tungjingben do ualeji ruangan saring arabmadan ate. Anin gamle a d’onganji, “Anin jalangle opungetenji, Orublen adnang, Sadtwrte, a gamte, iten asan gamlenden riangan j’edam. Bar tagaldan adnang, Lamtingte, gamle amben a gamte, iten asan gamlenden riangan j’edam do sangsangbaringle. A jardin na, yante gamle riangan a mukkan abmadben dete, antate amben a galamte, bindo nami ayaman arabmadanji amben rapti aggoie” (Mattiu 16:2-3).

Bo dinna angaante Kitungan a boantanji, Kitungan a baran abmele yirleji, hamkulmaran rabangleji. Kun hamkulmaran a ermaridan a janggardan a d’onganji ualle: ‘a tanakuda ayam arduaiten. Iten asan mangbalen ayirlai? Asui ayam abmele iten asan adnumdrenglen sanabyun batte adakunaben asan?’. Kitungan a boantan, kun a nualberan batte anin sonuman a d’ong gamle, yangam amang galamte atanakudan ayam gamle. Anin gaamle: ‘ayam abmele d’ongben adgalamlabenji po?’.

Ajardina, ordar bayale dakute. Surda surda desanji arsanule as’idtenji ate gijtabe. Ayaman gamte atakudten ate. ordaran pintun, er maridanji ate barij daku. anlen gijle raptitabe sonuman yangam mandranji a d’ong abtagorte san’idban.

Tanahimdam Kitungan a onagji, engale atanakudban ardulaibe, ambendaman adnoskainadpo Kitungan abmele? Ayaman gadlamlangten oskainaba Kitungan a dinna abmele gamle.

Okiy Kinolbe absele: “Togalan nami takkudroite, bar tamban adamle. Anten asan lungudan a Ianumanji a szdba, bar panuangan a handramanji a rotuda” (Romi 13:12).

Leave A Comment

Your Comment
All comments are held for moderation.