May 22 – TAI LAGA CHABI TE!

“Titya Isor koishe,” Ahibi Ami khan bonabo manu ke Ami khan laga chabi te, hisab te Ami khan nishina” (Genesis 1:26).

Bhabna koribi kunuba hobo para sawal khan manu nirmaan kora laga. Kinika Isor nirmaan korishe manu ke? Ki thakishe Tai juntu dikhai? Kote pora tai salha pai? Kun thakishe mahaan itu nirmaan laga? Kinika hosa te Tai manu ke hobo dibo mon?

Ki Isor nirmaan korishe manu ke jinika ekta Kumar pora bonai sob bhag ke khori laga aru milai hekh te utu bhag ke khori saman bonabole? Na Tai bonaishe ekta murti nishina, manu ke dangor pathor pora chabi te juntu Tai icha kore? Itu inika iku thakanai.

Isor nirmaan korishe manu ke Tai laga nijor chabi te aru iki nishina. Aru Tai dishe dangor avsar manunke, sob jontu khan laga uporte, thakibole milap Tai logote. Isor ase anginat morom manu te Tai nirmaan kora laga. Pobitro kotha te koi, “toh Isor nirmaan korishe manu ke Tai laga nijor chabi te; chabi te nijor lagaisor nirmaan korishe tai ke”(Genesis 1:27). Aru Tai laga anginat morom te, Isor ashirvaad korishe tai khan ke (Genesis 1:28).

Di kene adhikar manunke sob jontu khan laga uporte, dikhai bharpurn morom Isor laga Manu te.  “Titya Isor ashirbad korishe tai khan ke, aru Isor koishe Tai khan ke, “hibi phaldaik aru ginti barhabi; bhorta koribi prithibi ke aru dababi itu ke; thakibi adhikaar maas khan te hagor laga, chiriya khan uporte hawa laga, aru uporte sob jiyai thaka saman khan te juntu hile prithibi te”(Genesis 1:28).

Apuni jonom hoishe adhikar thakibole; aru niche koribole sob jontu khan ke. Apuni ke adesh dishe hobole phaldaik aru ginti barhabile. Ki apuni bhabna koribo kiman uncha Isor pora rakhishe apuni ke aru prashansha koribo Tai ke itu karone?

Lekhak Hebrews kitab laga, koi inika: “Apuni bonaishe tai ke olop niche duth khan pora; apuni mukut lagai dishe Tai ke mahima aru sonman laga, aru rakhi dishe Tai ke uporte Apuni hath laga. Apuni rakhishe sob saman khan ke nichete Tai theng laga”  (Hebrews 2:7-8).

Kile Isor dishe inika adhikaar manu ke? Ki ase rahasya pichete Isor laga bharpurn morom manu phine? Itu kilekoile tai icha korishe rakhibole manu jati ke uncha te sob jontu khan laga; aru khara korabole tai khan ke Tai nijor bacha nishina

Kityabi Isor Sai apuninke, tai ekta akha thake apuninpora. “itu manu khan ke ami bonaishe Nijor karone; tai khan ghoshna koribo Ami laga prashansha” (Isaiah 43:21).

Bacha khan Isor laga, apuni ke matishe prashansha koribole Isor ke. Jitya apuni prashansha kore aru thake milap Tai logote, apuni pabo sob adhikaar. Toh, maang korini sob adhikaar ke aru loi jabi apuni laga jibon ke sob adhikaar pora juntu Isor dishe apuni ke

Aji dhyan koribole laga Pobitro kotha tu hoile  (Psalm 34:1) “Ami ashirvaad koribo Isor ke sob homoi te; Tai laga prashansha nirantar thakibo ami laga mukh te”.