No products in the cart.
May 02 – DHARAGADIYAMA
elimchurchgospelAgadiyar grandh 1:1 Dharagadiyama Dev dharthinan asmanema srusti kido.
Bibile Prabhu kan agediyar vachanemaj malam karacha. Vu nam Hebrew bhashamathi ayicha. Elohim katho Ghano Moto, Sarva shaktiman, Ghano Jorevalo kan aratham cha.
Yee Elohim kajako vathen bahuvachaner padamer mulakathi lakkan cha. Yee vath bahuvachanethi shuru karan yek vachaner padamethi anth vacha.
Agediyar grandh 1:1 Elohim katho bahuvachan, srusti kido katho vu yek vachan dharthin asmanen srusti kido kan kacha. Yee khabar vyakaranamaj bhavamema achanakkethi cha. Atho yema daiva swabhav kajako chajethi bahumanethi yek vachanema mugimpu vegicha kan dekacha. Bap Dev Apanen prem karrojako Beta Yesu Prabhu, Pavithar Athmar theenima yekkaj thriyekvagi chakan malam karevasuj lakkamelocha.
Yek seder vavdimathi paani sedevasu theen thara badnathi karan yekkaj badna dakal gunthmelacha. Yohan 17:3 Yeej Elohim Dev Yekloj saaso Dev kan vanchacha. Vuj theen gatlavuma apan deker yekkaj gatlar nai cha.
Bap Dev ghadikkema sejini thayar Karan Pavithar Athmar vadithi vona barobbar puro karevalo cha. Panir vumpar Pavithar Athma jorethi haalrotho. Votha vajalo veda kan ker sath Pavithar Athmar vadithi vajalo srusti vegi kan dekacha. Yeej srustima vichithra chalijako.
Yohan 1:1-3 Dharagadiyama vath ra, vu vath Dever dai ra, vu vath Dev ven ra. Dharagadiyama vu Dever dai ra. Soli vorvadithi srusti vi, srusti vijako sey vu cheniju srusti vikoni. Katho Thriyeka Dever kamen srustima chajen dekeja.
Ajji jada dhyan Karen pado Aposthaler Kam 2:22