Mar 19 – Karahid Pintun Saring Daina!

“E karahidan, daina-nam uan daku? E karahidan, tontesi-nam uan daku? Karahidan a tontesin pintun na, do pintun a ranaptin anosaijan na. Bindo ayengan a Kitungan Jisu Kristu Gamangtung-len batte dainan tiytiylangten, Anin a dong sanen-senan de- ete” (1 Korintia 15:55-57).

Amben Kitungan atimangba ayirben dete birindage do er-rudnage garbernaba. Kitungan amangba. Ateng mandranji amangba lebun asanaisaijan dakute. Ogandile gijba jaja bo mandra amang saring apangte orde itjaja samanan?

Kan ate amben apsele hanangan gamle ogandiba. Kitungan amang ergijgijlabe. Sanasai ayam-sikoija, bigarda bigarda anogandiji pangtai jajanaben asan, Kitungan jajanaben apsele adtiyben.

Bindo bute bute amangba gijgijteji gupamarhen gamle, do ogandite hen adjajanai gamle. Tanahimdam Kitungan a onagji, angante janang mandrengna-ling-ben kanalkalan yirtai, Radudam do ranaptidam sanaisai er t’ul-lingan.

Bindo Kitungan amandranji radudam deteji’. Kuddub sanaisaling-ben, amben agijgijben dete ruanganlingan agabdiltungan do ordaran. Anin-na sattan gudingbenten, ayengan abhanataben do gupataben. Anappai Pol amadan Kitungan amangba dakule do gamle (Galatianji 2:20). Gamangtungan na Gupa Mar-hen; henate er asuige adde-e”. Amben danukka-lingan dakupo handran apsele (Galatianji 5:24). Etiden, amben ahangte adnang, Kan a gabrij’enan marid do mardir mandrengna lingan (Galatianji 6:14). Dile dinna, uggar-ling-ben gabrij’enaba.

Adnadsamangbenpo Iten asan gamlenden uggaran a anabatengan saring a t’odan berten”. Buten buten ate er lululenben dakuteji. Ordaran na barij sanaisaijan do anangan batte barij daku, iten asan gamlenden Pitun.

Edon kutta lingan mandran abs’idamlen anin a kudduban. Itente dakule, a pintuneten asan. Kan ambrij ayam-lingan, Mandrengna ling-ben Kitungan rubmang baran lumte. Kitungan amang gamba engale juarbojan Jerpatan amang-ling rubmang baran lumle. Angante amben a d’ongan asaite (Romi 6:3-4).

Tanahimdam Kitungan a onagji, Anin sanasaiben tiytaben do tunladage Anin tiytaben. Kitungan a bernan appaile mandranji a d’ong absamangle.

Okiy Kinolbe absele: “Iten asan gamlenden Anin a karahidge lingan bogad Anin ampara anlen mainan delalenanden, a jardin na Anin a yanarmengge lingan ja Anin ampara anlen mainan detabe” (Romi 6:5).