Mar 14 – JIT PRITHIBI UPORTE!

John 16:33 “Itu prithibi te apuni thakibo dukh; hoilebi khushi mon thakibi, Ami jitishe prithibi uporte”.

Ekta biya shakti juntu lorai kore khilaf te manu laga ase itu prithibi aru tai laga lobh khan. Bishi ase jun khan jiyai mani kene prithibi ke aru gire bishi porikha khan te aru lobh te aru hekh hoi pura haar te. Jiyai thaka hisab te itu prithibi laga; aru mili ja paap laga anondo te itu prithibi laga sathi khan logote loi jabo apuni ke ekta khotom hoi ja manu te. James, Pormeshwar laga pondit pora chetavni diye: “bodmas kora khan! Ki apuni najane ki dosti kora prithibi logote ase dushmani kora Pormeshwar logote? Jun bi itu karone bonibo mon sathi itu prithibi laga bonai nijor ke dushman POrmeshwar laga” (James 4:4).

Jibon IsorJisu laga dagi nathaka thakishe; itu dagi nathaki kene iku paap. Itu ekta jibon thakishe gawahi laga aru dihai ekta dangor udharan. Isor Jisu laga jibon hisab te itu prithibi te usor ahi thakishe , satan ahishe porikha lobule Tai ke aru kunu rokom bisari she itu prithibi laga icha khan Tai karone. Hoilebi Isor Jisu koishe: “kilkoile rajyo kora itu prithibi laga ahi ase, Tai iku nai ami te” (John 14:30).

Agete apuni khotom nakora te apuni laga jibon itu prithibi te, age jabi hodai din nimite, tinihoile satan hosa bi apuni ke lok koribo. Ji bi apuni laga hima thakile bi apuni laga porai laga, smaj aru poisa laga stithi – tai pora llok koribo apuni ke aru bisaribo ki iljam lagabo apuni laga khilaf te. Itu karone pobitro kotha pora ami khan ke salha diye koi kene: “itu prithibi logote namilibi, hoilebi bodli hobi notun kori kene apuni laga mon te , ki apuni sabit koribole ki bhal ase aru mananiya ase aru thik icha Pormeswar laga” ( Roman 12:2).

Kunuba manu khan lagai thakibo pare pondit nishina, hoilebi jiyai lukai kene kora paap khan te. Itu karone Raja David kandishe, “hosabi sob manu berai ekta chaya nishina; hosabi tai khan byosto kore nijor ke eni” (Psalm 39:6). Hoilebi apuni khan nathakibo lage hisab te dabav itu prithibi laga, hnoilebi dibo lage nijor ke ekta pobitro jibon te. Aru jitya apuni itu kore, apuni loi jabo ekta jit laga jibon ke.

Pobitro manu khan Pormeshwar  laga, paar kore itu prithibi te ekta anjan nishina. Itu prithibi tai khan ke namane. Tai khan laga suku nasai itu prithibi ke, hoilebi upor swarg laga rajyo te. Abraham jinika, ami khan laga bura baba, tai khan sai aget nagar ke juntu bonai kene ase  taan jor te. Isor laga bacah khan, morom pora manibi mon te itu byko ke jote koi: “kilekoile ami khan laga nagarikta ase swarg te, jote pora ami khan utsuk hooi kene rokhe Rakshak ke, Isor Jisu Krista ke” (Philippians 3:20)

Aji dhyan koribole laga pobitro kotha tu hoile James 1:27 “pobitro aru moila nahua dharm agete Pomeshwar laga aru Baba ase, rakhibole nijor ke dagi nathaki kene itu prithibi laga”.