Appam - Nagamese

Mar 08 – JIT SAMARPAN PORA!

Daniel 1:8 “hoilebi Daniel uddesh loishe tai laga mon te ki tai nijor ke moila nakoribo bhag khan pora itu raja laga khana pora, nahoilebi phal ras pora juntu tai khai”.

Chabi jit laga thake apuni laga sankalp khan te aru hima apuni laga pratishruti teutu faisla khan laga. Sankalp hobo pare khali khata homoi nimite nahoile bi lamba homoi nimite. Itu khan hobo pare apuni laga prathana jibon; jitibole laga jibon nimite; khara koribole satana laga khilaf te nahoile hatabole apuni laga nakaratmak adot khan ke.

Itu thik sankal apuni ke bonai Isor karone aru thakiobole ekta pobitro jibon ke, itu ke koi ‘samarpan’. Judi sankalp apuni laga mon laga tan nahoi;  tinihoile apuni giribo apuni laga atma laga jibon te jitya apuni laga biswas ke porikha loi. Alag madbat pora hilai dibo apuni laga pura atmakarik jibon ke.

Bishi manu ase  jun khan loi tai khan laga sankalp khali saal laga shuru te. Tai khan laga pratishruti thake khali ek mohina nimite; aru tai khan itu pichete pahori jai. Bishi ase jun napare kaam koribole tai khan laga sankalp uporte. Tai khan dilasa diye nijor ke itu koi kene; itu bhal ase iku sankalp nakorile hi.

Jitya apuni prathana kori kene bonai ekta sankalp ke Isor nimite, Tai pora modot koribo apuni ke pura koribole utu rasta te. Isor aru apuni duijon ekta bhumika thake apuni laga pobitro jibon jiya bole nimite. Apuni laga bhag te, apuni sabole, hatabo lage sob paap khan ke apuni laga jibon pora aru anibo lage pobitrota, prathana jibon aru porha laga Kotha ke Isor laga.

“Daniel uddesh lishe tai laga mon te ki tai nijor ke moila nakoribo bhag khan pora itu raja laga khana pora, nahoilebi phal ras pora juntu tai khai; itu karone tai anurodh korishe kinnar laga pramukh ke ki tai nijor ke moila nakoribo. Itya Isor anishe Daniel ke paksh te sadbhavna, kinnar pramukh laga” (Daniel 1:8-9). Khali tai khan ki thakishe koile saag sobji aru dal khan (Daniel 1:12). Isor jun saishe pratishruti ke daniel laga dishe tai ke dus guna bishi gyan aru buja sob jadugar aru jyotishi khan pora prithibi te.

“aru ses te dus din laga chavi dikhishe bhal aru mosto gau te tai khan pora bi jun khan sob jawan manu jun khaishe bhag raja laga khana laga” (Daniel 1:15). Jitya apuni thake inika samarpan te, apuni bi thakibo jit pondit khan pora bi; aru naam Isor laga uncha hobo.

Isor baar baar koishe zaroorat ke pobitrota laga, aru koishe: “apuni pobitro hoishe, kilekoile Ami Isor apuni laga Prabhu ami pobitro ase” (Leviticus 19:2). Isor laga bacha khan, bonabi pratishruti aru rishta Isor logote aru thakibi itu logote; aru mahima koribi naam ke Isor laga.

Aji dhyan koribole laga pobitro kotha tu hoile Revelation 21:7 “tai jun jitishe pabo sob saman khan ke, aru Ami hobo tai laga Isor aru tai Ami laga putro”.

Leave A Comment

Your Comment
All comments are held for moderation.