June 07 – TAI BUKISHE AMIKHAN LAGA BIMAR KHAN KE!

Matthew 8:17 “Tai Nijor hi loishe ami khan laga napungcha khan ke aru loishe ami khan laga bimari khan ke”.

Sabi tagot aru jor kandha kea mi khan Isor laga. Tai bukishe ami khan laga paap khan ke aru galti khan ke utu kandha te. Tai bukishe ami khan laga dukh aru biya khan ke. Tai bukishe ami khan laga goltikhan ke bi aru bimar khan ke bi. Tate swasth aru thik ase Tai laga kandha te, juntu bukishe ami khan laga bimar khan  ke.

Aji, tate hazar bimar khan ase itu prithibi te. Kunuba khan ane bardasht koribole napara bikha ke. Kunuba khan loi jai ami khan laga neendh ke aru diye natija te ahram nahoa. Kunuba rog khan ase juntu diye biya gunh ke. Aru rog jinika kor khan pochai diye mango ke aru loi loi jibon ke.

Hoilebi ami khan Isor Jisu age pora bukishe sob bimar khan aru rog khan krus te. Tate nai iku bi bimar juntu bhal koribole napare Isor Jisu pora. Tai changai kore Tai laga khhujn logote, juntu balm ase gilead laga. Pobitro kotha te koi, “Tai laga dagi jugedi ami khan changai ase” (Isaiah 53:5). “Tai laga dagi jugedi apuni changai hoishe” (1 Peter 2:24). Jitya apuni kandi kene koi Tai ke changai korabole; hatai ibole apuni laga golti khan ke; changai koribole apuni laga bimar ke; aru dibole apuni ke mukti, Isor morom ase apuni te; agh barhabo Tai laga jojal laga hath logote;m aru Tai pora changai koribo.

Jitya Isor niche  ahi thakishe Tai laga prachar pichete Mountu te, ekta kor rogi ahishe aru Tai ke seva koroshe, koi kene, “Isor judi apuni icha kori ase, Apuni ami ke sapha koribole pare”. Titya Jisu dhalishe Tai laga hath ke aru chuishe tai ke koi kene, “Ami icha kore; hobi sapha”. Loge loge tai laga kor tu sapha hoi jaishe (Matthew 8:2-3).

Aji bi, Tai rokhi ase koribole achurit ke apuni karone. Sabi Tai laga kandha te. Sorkaar ase Tai laga kandha te. Utu sorkar te, tate swastyh ase, bhal ase, aru mukti ase. Tai ke ase dagi bhuga laga krua ke Tai laga kandha te. Tai jun buke apuni ke Tai laga kandha te, Tai pora changai koribo apuni ke Tai laga dagi logote.

Isor Jisu Krista bodli nahoa joa kali bi, aji bi aru hodai din karone. Tai tagot ase koribole achurit khan ke ajibi apuni laga ghorte aru apunilaga jibon te- iki achurit juntu Tai korishe dui hazar saal agote Jerusalem te, Judea  te aru Capernaum  te. Hoi, Isor junnbuke apuni ke ase bodli nahoa; moromial aru nirantar kore kaam achurit laga. Ki sob lage apuni ke koribole tu hoile rakhibole apuni laga biswas ke Tai te; lagi thakibole Tai te nahili kene; aru prathana koribole niranatar.

Isor laga bacha khan, hobole dibi aji laga din ke achurit laga hobole apuni laga jibon te. Sabi Tai ke aru hobi ujwal. Tagot kandha Isor laga buki ase  achurit apuni karone!

Aji dhyan koribole laga pobitro kotha tu hoile Exodus 15:26 “Ami nadhalibo ekta bi bimar khan apuni ke juntu Ami anishe Egyptians khan te. Kilekoile Ami ase Isor jun changai kore apuni ke”.