Appam – Lambadi

June 07 – APANER DOKKENA KHAMLIDO

Mathai 8:17 Vorvuj Apaner kamjoren palden, apaner dokkena khamlido..

Mahaanethin jorethi chajako Prabhur kaanden deko, vuj kandepar apaner papena sarapena padnakocha. Ajji apaner vela bhabetina, maando kamenan rogdokkena padocha. Hanu padan apaner chavnujako arogyan hachethi banchavnin demelocha.

Aaj dharthipar lekoghaler venijathra Jada rogevo pedavericha. Vundema thodsek khamer hathayenijathra Racha. Aji thodsek apanen visram cheniju neend navaju hal karnakacha. Vujji thodsek Rog massaj galeej vasana lagukaracha. Koder rogesarik jeeven haal karnaken jeevadanaj lejavacha. Lapan apaner Prabhu Yesu Vor siluvama apaner sejiri rogdokkena papen sejini khomlido. Prabhu Yesuro namema varuvenijako rog kunsicheni. 1Pethru 2:24 Apan papevas maran niyathevas banchena, vor jeevadapar vuj apaner papena siluvapar paldido, Vor ghavethi tham varu vege. Saasij thar rogdokkervasun kamjorevasun ajji thar sarapethi chodanak Bapu kan thu Prabhun ankir hasuthi araj karastho ajji vu Prabhu Vor ghavo padojako hathen thar Sam pheran thona varu Karan vidudala karnakacha. Mathai 8:1-3 Yesu gatlaparethi vuthrojana kust rogi yeklo aan vona dhokdena Prabhu thona khathar vatho manna varu karer thathi vacha kan ko. Yesu vor hathena laambo karan vona cheepan, manna khatharaj,shudh vakan ko, jannaj vor kustrogethi shudh vego ju dekacha. Vuj Yesu Prabhu kandepar jagerbhaaro padmelocha. Jethi vu kandepar siluvapar marakhadojako ghav cha jethi thona chavnujako swasthy hach arogyan banchavni devalo Dev cha.

Yerushalemema Yudayaman Kapernahomema Dee Hazar varser aanga kidojako acham kalar kamen Aaj sada karevalo cha. Kassen katho Vu Prabhu Yesu kaalan Aajan savvari yekkaj thara revalo cha. Thar vadithi Renujako yekkaj Devepar bharpur viswas mellenu athraj.

Aji Jada dyan karen pado Vimochan grandh 15:26

Leave A Comment

Your Comment
All comments are held for moderation.