Appam - Soura

June 06 – Anin Pintu Birdaran Tambedle!

“A jardin na Anin kanalkal-lenji pangeten, Ganasuda-lenji a birdaran tambedeten” (Jisaiya 53:4).

J’e-ben babyete, do danukkaben abkaridate. Dile ayam kinolba, kuddub danukaben sagaite do man’oihan barijloge ahangte (Jisaiya 53:3). Satid samoih-hen ayam lingan kanin na banabye-hen; anosaai-Nam d’ong-hen abadlzngtih. Bakurdi gonta dingtaben kuddub bibolan atabkudben abmele. Aten asan, bogad Amben bo gonta abmele a kinollenden. Pedde amben tabkudle arabtite bakurdi-dinna-lingan.

Orde bokurdi dinna, bogad amben a kinollenden bagu-gonta dile dinna-lingan. Amben bo tagor bibolan a kinol asusulenden, monaben babyete, babyele bartabmete janggardadage a amndrengna. Iten asan gamlenden aparamangtan dajing bernan anidan dele, dijte – bernan anion a hanangan asan anidan dele, ‘yante ‘- gamle anidolberan a uywb-sanayen do banabyen. Batte anien danerderan rapti hangtabe”, barij bibolan kinolle atiyj’e-naben dete.

Kan batte amben surda banabyen ahangte. Aninna sattang badrijte asuyeman do a tanurdun batte. Aten asan Anappai Pol man’oihan batte aadhimle.

Barij banabyen a Kitungan na”. Bindo a karidadong kan abmele bo bardika sattang ayam abmele, iten asan gamlenden Kitungan kuddub kanalkalanji sabgaile d’ongben babyete. Birindabenji pedde asangemtabenji. Orde aboi saring aboi kanalkal-lingan dakutaben mandrengna-lingben. Aninna sanayaman do Anina banabye. Bibol-lingan anlen kinol-labe anappai Pol sattang abadyead bindo Anin bigardaji a d’ong janang babyele’. Anin gamle: “Iten asan gamlenden kuddub kanalkal-ling-len Amn babyetalen. Yante gamle itente a hanabyen Kitungan batte anlen banabyen detabe.

Kitungan banabye Kitungan, kun batte dile kanalkal lingan a deten a mandranji a d’ong anlen rapti abbabyetabe. Banabyen’ gamlenden sanabyun do ranabdun pangtai. Kitungan d’onglen tiylai sanabyun, lanabyun do banabyen (Jon 16:20). Daudo, a d’ong Kitungan batte dile ayam banabyen dele. Kitungan amangban gijgijle.

Barij-j’en batte m’oihlen gamle: “Angante hen sintatenai do kuditenai, seletten banabye-Nam pwrarda-hen abm’oihte. Amben ateng ayam danukka do kanudi-lingan dakutaben. Kun anogandin batte ambendaman abkalkaldamten. Iten asan gamlenden alumlen a pintun do apangsardin asan. Kun ayamlen kalobori arakkadangan aimben dete, do Jisun Kristun amangba gijgijba (Sanenken 42:11).

Okiy Kinolbe absele: “Man’oihdage a j’e mukkan abm’oihte, bindo keka maran a t’odan kanekan jumte” (Bangsa Hanang 15:13).

Leave A Comment

Your Comment
All comments are held for moderation.