June 03 – PAVITHER KARER KAANDO

Ginthir grandh 7:9 Kahaathiyulevalena dinekoni kasen katho Pavithar jagema seva karero vunder Kam, vunder kandepar palderoj kaamvethi jethi vunden vahana niyam karnukan vethi koni.

Levivaler gothena voma Kahathir beptan yek prathyekvagi karer kaamvethi. Vu kaikatho vunder kandepar Pavithar chajako sey samaan paldenaj javunu. Katho vunder kandena yee sevar vasu prathista karlen Pavitharethi havaal karmelethey.

Kannavatho Dever Derapar Mahimar vaajal vutharan avajana Yisraeleval vunder naan mot beptan palden vunder kandepar sey samaan palden mundag saagan jayeval.

Lapan yee Pavithar cheejevun palden jayena Prabhu yek samanya admin dinokoni pan vu kamen Levi gothevalena taalan vunder kandeparaj paldena bachaner desh Canaanema adugu melnu kan prathista karmelotho.

Atho Apaner Prabhu Yesuro kandena dekatho Vu Prabhur kaandepar bhari vethijako Siluvana paldena akharir loyeer bottuna sada redan vuj siluvaparethi vachan kaju shaswithvagi rer vathen apanesaru kemelocha.

Vu Prabhu Pavitharethi chaju thu thar jeevanema heryek ghadi pavithrethi banchasthoj thona Vu Prabhur kaandepar paldena vu Parama Canaanema lejavacha.

Kahaathiyulevaler beptan demeloju Vu Prabhur kaandepar Pavitharethi banchojako thon sada Yisraeleval Aigupthevaler deshemathi ajji dusar desena yee jammipar vethejana phare lapan thona Vu hamesha vasser paralokema lejayevalo cha kan bhulmath.

Aji Jada dyan karen pado Darshaner grandh 22:11-12