Jun 27 – NUNGSHIBADA PUKNING THEMJINBIBA!

“maramdi eikhoina nahoigi nungshibada achouba pukning thougatpiba phangjei.” (Philemon 1:7)

Pakhonchatpa Paulna Philemonda iramba chitthi asida Philemonna Paulbu pukning thougatpiba adugi maramda sandokna takli. Hoi, mi amagi nungshiba amadi luna toubiba adna atopppa amabu thougatpibani. Adubu Christagi nungshiba aduan mipum khudingmakpu thougatpani. Sokkhraba thamoibu phahanba haibasi achouba thoudangni. Matam ayambada nahak awabada taduna mateng phangdana leiri. Misingna nahakpu thougatpiba pamlabasu nahakki thamoidadi pothaba leite.

Matam ayambada nahakna misingbu thougatpiba pammi adubu makhoibu thougatnaba achaba wahei phangba ngamdana maithiba matam lei. Prabhu khaktana  eikhoibu mapum phana thougatpiba ngammi haina Paulna hairami. Iswargi machasing, Iswartana eikhoibu amamam thougatpiba ngami haibasi kaobiganu.

Hagarda yengbiyu. Mahakpu lamhangda mathanta leirammi kananasu mahakpu mateng pangbiramde. Mahakki mabemmana mahakpu tanthokpirammi aduga Abrahamna mahakpu piramba haibabu isinggi patra ama chinjak khara khaktani. Madugi chinjak amadi ising adu loirakpada mahak asukki matik aram khourang ba phaorammi. Mahakna lamhang aduda  chinjak phangba ngamkhide aduga mahakki machanipa adusu khourangbana sige tourammi. Aduna mahakna wamanduna laokhonglaga kaplammi.

Adubu eikhoigi nungahiba Iswarna mahakpu thadokpikhide. Mahakna minaini haina hanthana  keidoungeidasu khanba toude. Sastrana hairammi, “aduga Iswarna mahakki mamit handokpikhi, aduga mahakna isinggi guha ama urammi,aduga mahakna patra adu ising pikthanna hanjinkhi,aduga angang nipa macha aduda ising pithakkhi. Aduna Iswarna machanipa adubu loinabikhi” (Genesis 21:19-20).

Iswargi machasing, eikhoigi Iswar asi thougatpagi wahei hairaga hundokpiba  adugumba nate. Thougatpiba  waheiga loinana thabak su pangthokpa ngambani. Angakpa touduna eikhoigi awatpa mensibi aduga bor pibi. Eikhoigi nungshiba Iswargi khuttuna nahakpu konsibigani aduga  thougatpigani.

Dhyan tougadaba, “eigi misingbu pukning thougatpiyu,nahakki Iswarna madu haibani. Jerusalemgi damaka thougatpiba wahei phongdokpiyu. Aduga mangonda laoraga haibiyu,mahakki lan gi matam adu loirakle.mahakki papsu kokpire.” (Isaiah 40:1-2).