Jun 24 – VALAARER DADEMA SAMJAYEVALO

Valaarer grandh 3:4 Valaarer dadenan, nachkudhen yek vagath kajako cha.

Khushithi thu nachan kudu karastho thar khushima agal bagaleval sada athanu nachan kudhan khushi karacha. Atho apan kanna romachako jana semabyekloj rer vejavacha. Masaj admi vunder khushin thar sath kelevasu avacha pan thon badha lagajanna thar velan samlen kuni reni.

Heryek admi velapadnu lagacha vuj badhan karan . Bibilema royer yek grandhenaj lakkamelecha vor naam Valaarer grandh kan balavacha. Yirmia 9:1 vachanema Pavaktha Yirmia kacha, Margejako mar jannesaru ma rathan diya ankir hasu redan mar matho panir nain mar hasu verir nai riya kan rorocha. Katho  Yirmiar ankir hasuthi araj kidonako sejini yee valarer grandhema dekacha

Motiyar chochar vunder javaanema bharin pader hathayenitho mar bharo jada vegich kan  vunder jorer chendima rovukaracha, hannuj yee bhari ajji hamen pader hathayenijathra mot cha kan Dever pagema ankir hasu redrejen dekrecha.

Juno kararer dadema jann kunsi thara kalero daad avathoi vairivuthi harjavathoi bhothkan volden araj kareval. Yee bhothkan nalarejhader naarethi karacha vu voldevalen bhari racha ann gicharaju racha.  Vunden vo kamkarlen Dever prasannathema dikayevasu Raaken sada vumper relden hanu rovacha , ” Prabhu hamar kaklothin kanakes, Thuj athanu hamar jeevaner velamathi   yee mando paristhithin acham kalathi cheti kares”.

Yuduleval parbhathi vagathethi pakadan daado dubajethanu yek ghunter panin saha na peevaju vupavasmethi araj karacha. Vunder vinathin samalan Devaj vunden kaklothin kanaken vidudala karnakacha. Yovel Pravaktha Yisraeleval bayar nai dagaregey jana Yovel 1:8 Yek javaan chori bhothka volden dhani marjavajana rovaju tham sada ankir hasu redo kan rothanu ko.

Vunden ajji hanu samjayo Yovel 1:13 Yajak , bhothka bhandlen jhuran rovo. Balipeetamepar seva kareval ghatto ghog kadan rovo, Mar Dever sevakareval bhothkan volden rath sari araj karo. Naivedyan paanir arpan Dever Devalema avanaju thamgicha.  Hanu Prabhur namema jannun hakkam dino

Mar premer Dever Beptavo thamar kamjorenan velabhavetina ajji badhanan khushina sejini  malam chajethi Thona samajathanu thar ankir hasuthin valaarer dadema sopath revalo cha.