Jun 24 – TENGTHABA MATAMDA PUKNING THEMJINBIBA !

“Tengthaba matam, jagoi saba matam” (Ecclesiastes 3:4).

Nahakna jagoi saba matamda mi atoppasingnasu nannga yaoningi. Adubu nahakna tengthaba matamdadi nathanta oigani. Haoraba matamda mi mayamna nangga saruk phangminnaningi adubu awaba matamdadi nathanta oigani.

Mi khudingmak awaba phibam haibasi thengnagani. Bible gi manungda Lamentations kouba tengtharongi lairik ama lei. Maichou Jeremiahna kaptuna asumna hairammi,” eigi koksi ising oiramlaga eigi mit asi isinggi iphut oiramlabdi ko!” (Jeremiah 9:1). Mahakki tengthaba khudingmaktu masigi lairikta khomjillaga thambani.  Panggal thouna kallaba nahasingphaonasu potlum puba ngamdabagi Ipa  Iswarda kaptuna haijabasu lei.

Ariba warepnaba matamda kanagamba jatisingna makhoigi chatnabi oina awaba matamda makhoina bora gi phurit settuna tengthai. Borgi phijol haibasi jute panbidagi semlakpani aduga masibu setliba mi adugi damakta asukki nungaitaba phaohalli. Makhoina nollukpagi khudam oina makoksingda utsu teigani, aduga chara heduna asumna haigani,O Iswargi eikhoigi awabasi manghankhro,nahakna angakpa thabak ama toubiduna eikhoibu kanbiro.

Jewishki Rabbi sing aduna ayuktagi houna numidang numit taba phao sing marik amatasu thakdana chara henduna tengthaduna haijaba tou-i. Aduga Iswarna makhoigi haijaba tabiduna makhoibu kanbigani.

Maichou   Joelna bondi oina chatkhraba Israel jatigi damakta tengthaduna pao sandokkhi. Mahakna asumna hairammi, “leisabi asengbina mahakki mapuroiba oigadaba nipagi damakta tengthaduna bora gi phi setpagumna tengthajaro.” (Joel 1:8).  Mahakna makhoida haijaduna hairammi, “nakhwang laksinduna tengtharo,O purohitsing,phankhong manakta thougan touriba misingsu,thaknabagi iratpot amadi chinjaksingdu Iswargi yumdagi thingkhre.” (Joel 1:13). Mahakna Iswargi mingda misingbu chara henduna haijanabagi damakta yathang pikhi.

Iswargi machasing, Iswarna nahakpu  hiram khudingmakta loinabi. Nahakki thengthabagi dmakta mahakna nahakpu    pukning themjinbigani.

Dhyan tougadaba, “ Prabhuna asumna hairi, “nathamoi apumbada eingonda chajaraklo,chara henduna tengthabaga loinana changjaroklo.” (Joel 2:12)