Appam - Nagamese

Jun 24 – Ahram viplab/shaukh te!

Ecclesiastes 3:4  ekta homoi ase shaukh/viplab hobole,aru ekta homoi ase nachibole.

Jitya apuni anondo pora nache, bishi alag khan bi itu te bhag lobule mon jai thakibo. Hoilebi jitya apuni shaukh manai, apuni ekla hi thakibo. Hazar khan pora apuni laga khushi te shamil hobole mon jai thakibo,hoilebi apuni ekla hi khara kuribo jitya apuni dukh laga homoi te thake.

Sob manu bi itu dukh ke par kuribole lage. Pobitro kotha te, ekta kitab ase ‘Lamentations’ likhi kene ase. Prophet Jeremiah kandi kene koi: “oh , ami laga matha pani hi thakishe, aru ami laga suku kanda laga jharna” Jeremiah 9:1. Sob  tai laga dukh khantu ekta kitab te thakishe Lamentations Jeremiah laga koi kene ase.

Jowan  khan laga homoi te, tagot porikha khan ke bhugi bole laga, ami khan dikhi pai bishi khan ke kandi kene aru shaukh manai kene tai khan laga bhari bhar khan te, aru Isor laga agete kande, ki tai khan itu bhar ke buki bole napara hoi jai.

Purana Niom, Pobitro Kotha te, ami khan pure ki manu khan ekta desh laga laga bosta laga kapra jitya bi tate akal thake nahoile dushman pora hamla kure. Bosta laga kapra tu patta pora banai aru ahram nathaka laga hoi jun pora bi lagai. Tai khan jui laga chaya ke bi lagai nijor te, vrat loi, nijor ke nomro kure Isor laga agete aru kandi kene koi: “Isor, hatai dibi ami khan laga dukh ke,, Isor hobole dibi apuni laga hath ke hastakshep ami khan laga itu paristithi te, aru koribi achurit ami khanlaga jibon te.”

Jew laga rabbi khan pora upwas loi pani laga ekta boondh bi nakhai kene phujir pora suraj naduba tok-kande aru shaukh manai aru anurohd kore. Aru Iso rpora hune tai khan laga prathana ke, aru ghurai diye tai khan laga poristithi ke achurit pora, aru diye mukti.

Prophet joel pora samjhai kinika shaukh manai aru kande Israel manu khan ke jun khan bandh hoi kene thakishe. tai koi: “kandi bi ekta sapha chukri lagai bosta laga kapra tai laga mota joewan laga nimite” joel 1:8. Tai anurodh kore itu koi kene: “bandhibi nijor ke aru kandibi, oh pujari, kandi bi, jun pora cholai puja laga dhip ke; ahibi, thakibi pura rati bosta laga kapra te, apuni jun hi ami laga Isor nimite kaam kore; dhan laga daan nimite aru sharbat daan tu apuni laga Isor laga ghor pora hobo”. Joel 1:13. Isor laga naam te, tai koi manu khan ke pupwas rakhi prathana kuribole.

Isor laga bacha khan, Isor apuni logote ase sob pal te apuni laga anondo aru dukh laga, apuni lagaswasth te aru bimar te, apuni laga kanda aru kkhushi te, aru Tai hi ekta ase jun pora puni ke ahram dibole paribo apuni laga shaukh te.

Aji bhabna kuribole laga pobitro kotha tu hoile joel 2:12 “itya, itu karone, koi Isor pora, “ghuri Ami  te apuni laga pura mon pora, upwas loi kene, kandi kene aru shaukh manai kene.

Leave A Comment

Your Comment
All comments are held for moderation.