Jun 21 – Ahram Porikha te!

Job 23:10 “hoilebi Tai jane utu rasta jinika ami loi; jitya Tai porikha ami laga loishe, ami ulabo sona nishina” Job 23:10.

Porikha laga homoi tu hoile bishi dukh laga ase. Ekbar ekta maiki koishe tai laga jibon tu hoile Job laga jibon nishina hi ase, bishi porikha aru  dukh laga hodai din te. Tai bhabna kure ki itu hi Isor laga icha ase, ki tai nijor laga jibon bitabo kandi kene hi.

Itu hosa  ase ki Job par kurishe bishi porikha tai laga jibon te, hoilebi ekta  bi hodai din karone thakanai, kilekoile Isor pora hatai dishe itu khan sob olop homoi te. Bible pora khan pora koi ki tai laga dukh khan khali 6 mohina nimite ase.

Isor pora tai laga porikha loi le bi,tai parishe itu khan sob ke pabole duiguna. Itu pichete job takishe 140 saal nimite, aru dikhishe tai laga bacha khan aru bacha laga bacha khan ke 4 pushti tok. (Job 42:16-17). Itu ekla nahoi, Isor pora taike dishe taike nijor laga drishti. Job koi: “kilekoile ami kane ki ami laga Udhar karta ase, aru Tai hi thakibo ses te bi itu prithibi te”. Job 19:25.

Job laga ekta sthayi jaga paishe bible te. Itu alag hi ahram ase poribole job laga kissa ke bible te. Job pora rakhishe tai laga pura biswas Isor te aru nijor ke tagot kurishe tai laga porikha laga rasta te. Tai tan hoi kene biswas kurishe ki tai jitibo tai laga porikha te. Tai nijor laga biswas ke bi koishe, inika koi kene: “hoilebi Tai jane ami laga rasta jinika ami loi; jitya Tai ami laga  porikha loishe, ami ulabo ekta sona nishina” job 23:10.

Ki alag khan tu apuni laga porikha nimite bhabna nakure? Ki kun bi nai apuni ke modot kuribole apuni laga dukh laga homoi te? Ki apuni kandi ase aru bhabna kure kinika apuni itukhan ke bhugibo paribo itu bhar khan ke? Sabi Isor ke.

Tai pora apuni ke rakhishe Tai laga hath te. Apuni ke hodai hi tai laga agete te rakhe. Isor pra apuni ke iman morom pora rasta dikhai, aru kinika ai apuni ke chari dibo? Ekta bi apuni laga porikha tu hodai din karone nahoi. Tai khan tu jai thaka badal nishina ase. Itu homoi laga dukh tu hoile iku bi nahoi juntu achurit  ami khan dikhi pabole ase.

Isor laga bacha khan, apuni laga porikha te, rakhibi apuni laga biswas ke Isor te aru tagot kuribi nijor ke, jinika job pora kurishe. Aru Isor hi apuni laga ahram hobo apuni laga dukh homoi te. Tai pora apuni ke dilasa dibo a ru ashirbad kuribo.

Aji bhabna kuribole laga pobitro kotha tu hoile Deuteronomy  33:3 “hoi, Tai morom kure manu ke; sob  Tai laga bakhth khan Apuni laga hath te ase; tai khan bohe Apuni laga theng te; sob manu pai Apuni laga kotha.