Appam - Nagamese

Jun 18 – Ahram Hari j ate!

Proverbs 21:31 “ghora ke tayar kueishe lorai laga din karone, hoilebi Isor pora hi mukti pabo.”

Isor pora apuni laga sob hari ja ke bodli kuri dibo rasta notun ashirbaad khan laga. Kitya bi alchi nahobi, judi bi apuni hari jai apuni laga koshish te. Kile koile Isor hi apuni logote ase, Tai pora ghurai dibo itu paristithi ke ekta safalta ana laga kadam pathor hisab te.

Manu khan aji laga homoi te pidhit hoi ken ease alag alag bhoi laga a tma pora. Tai khan bhoi khai aru  kapi uthe bishi saman khan karone: judi tai khan kunuba bimar laga pidhit hobo, judi tai khan nijor laga kaam ke harai lobo, judi manu khan tai khan laga khilaf te khara kuribo, judi tai khan laga mota pora tai khan ke chari dibo, judi tai khan nijor laga bacha khan ke harai lobo, aru tai khan laga aha laga din kinika hobo aru inika hi kisim kisim laga bhoi khan. Tai khan manu khan loogte mili bole napara hoi jai. Aru itu karone, tai khan hi tai khan hari jai, hara laga samna ke nakura aget bi.

Jun khan hare tai khan dui kisim laga rasta chuni bo pare. Tai khan mon te dukh hobole pare. Nahoile tai khan taan bhabna thaki kene aru sob kucchis kuribo itu haar ke jit te bodli kuribole. Itu inika jui pora hi alag kaam kure alag alag saman khan te. Jui pora mom ke pighlai diye pani nishina, hoilebi itu jui pora hi taan kuri diye mati ke aru taike tagot diye. Aru haar bi inika hi hobo, manu khan itu prithibi laga, bhabna kuri kene tai khan laga jibon ke tita binai diye. Hoilebi Isor laga bacha khan, pare berabole itu kandia laga rasta te bi Isor laga modot pora aru bodli kure itu ke ashirbad laga jharna te. Kitya bi napahoribi ki itu karone karone, ami khan laga Isor pora Tai laga jibon dishe.

Itu hosa ase ki manu ke harabole parishe eden laga bagh te. Taike satan pra hi chal kurishe aru tai laga atma ke harai dishe. Hoilebi Isor pora manu ke itu haar te thakibole diyanai. Tai pora utu haar ke hi tai khan laga jit hobole dishe. Tai phelaishe Tai laga kimti khun ke Calvary te aru utu khun pora, dushman uporte jit hobole dishe, aru ami khan ke stan uporte jiti bole dishe.

Gojal laga hath Jisu laga, ami khan laga jibon te kaam kure, jinika ekta kumar din te kaam kure. Tai pora bodli kuri diye apuni khan laga haar te jit te bodli kuri diye. Tai pora apuni laga bhangi thaka ke aru biya khan apuni laga jibon laga bonai ghara ashirbaad laga. Apuni laga dukh aru kaam nathaka laga stithi pora, Tai apuni ke bonai ekta khemai laga ghara. Isor laga bacha khan, mahima kuribi Iso rlaga jun pora puni ke diye jit, apuni laga dhonyabad jonai diya laga mon pora.

Aji bhabna kuribole laga pobitro kotha tu hoile 2 Corinthians 2:14 itya dhonyabad dibi Isor ke jun pora ami khan ke hodai loi jai jit te Krista pora, aru phelai diya amikhan laga jibon pora gun Tai laga gyan laga sob jag ate.

Leave A Comment

Your Comment
All comments are held for moderation.