Appam - Nagamese

Jun 12 – Ahram shaunk te!

Romans 12:12 “khushi manai diya laga akha te, dhoyjyo jhamela khan te, narukhi kene dhuri thaka prathana te”.

Jew manu khan laga  pobitro kitab te, itu likhi kene ase: “o manu, naharabi kitya bi apuni laga akha ke itu shaunk aru biya homoi te, nahoilebi apuni laga biswas ke”. Ekta manu kityabi  naharabo lage tai laga akhan judi bi taike dangor gas te rushi pora dhali dile bi,  nahoilebi judi apuni laga dushman pora uthai tai laga talwar apuni ke morabole. Kilekoile isor pora kuribole pare achurit kaam khan ses laga homoi te bi aru bachabole pare.

Ami khan puribole pai ekta shaunk manai thak laga manu laga kissa ke, pobitro kotha te. Tai laga ama taike jabez mate, kile koile tai pora utu bacah ke dukh pai ke jonom dishe. Hoilebi itu bacha tai laga jibon  tu dukh te thakibole mon thakanai. Tai matishe Israel laga isor ke, “oh, taki apuni ami ke ashirbaad kuribo, aru dangor kuribo ami laga rajyo ke, ki ami dukh napabo!” toh isor pora dishe taike, tai ki ke anurodh kurishe” 1 corinthians 4:10. Utu din pora, tai laga sob dukh khan kkhotom hoi jaishe. Aru tai bhorta hoishe bishi guna Isor laga ashirbaad pora.

Aji laga homoi te bi, judi bi manu khan dukh te thake bishi alag alag kotha khan nimite, isor pora alag kore tai khan ke jun khan dukh te thake Zion te, utu sob khan laga maje pora. Isor pora koi, tai ke pothaishe: “tai khan ke ahrab dibole jun khan dukh manai zion te, dibole tai khanke sundorta jui laga chai pora, tel khushi laga dukh manai thaka khan karone, kapra mahima laga mon bhari thaka khan karone; taki tai khan ke matibo gash hosa laga, junta isor pora lagaishe, taki tai khan naam uncha hobo” Isaiah 61:3.

Zion hi ase utu pahar, jote khara kore bhera Isor laga revelation 14:1. Jun khan khara kore isor logote, thake bhar tai khan laga monte,  joma koribole  tai laga kam nimite. Isor pora hi chune manu khan ke jun khan dukh kore aru shaunk manai, tel khushi laga aru bonai tai khan ke anondo hbobole tai laga maujudgi te.

Moses prathana kure: “bonabi ami khan ke khushi utu din khan karone juntu din te apuni ami khan ke dukh dishe, utu saal khan jitya ami khan biya ke dikhishe” psalm 90:15. Isor pora dibo dui guna ashirbaad  apuni laga dukh laga din khan ke sai kene aru juntu saal khan te apuni biya ke      dikhi paishe. Jitya apuni job laga jibon ke  dikhibo, apuni dikhibo bishi dukh khan ke aru biya khan juntu tai dihishe tai laga jibon te. Hoilebi tai nijor laga akha ke harai diyanai, judi bi tai laga maiki pora tai ke gali dishe aru taike bodnam kurishe itu biya khan hoi thaka nimite. Ami khan laga isor ekta hi ase jun ami khan ke ahram dibole pare biya aru dukh laga homoite. Aru din such aru safalta laga a puni ke rukhi ase.

Pobitro kotha te koi: “hoilebi Krista putro hoi kene tai laga nijor ghorte, un laga ghor ami khan ase judi ami khan itu ke taan por adhuri kene thake aru itu khushi akha laga bhal pora ses tok” Hebrew 3:6.

Aji bhabna kuribole laga pobitro kotha tu hoile psalm 18:28” kilekoile apuni hi jolabo ami laga diya ke; isor ami laga prabhu pora ujala koribo ami laga andhera te.”

Leave A Comment

Your Comment
All comments are held for moderation.