July 02 – Janggarda a Berte!

“Iten asan gamlenden butente bzgarda sarrangan batte berten anin mandranji a dong abberre, bindo Kitungan a dong berten iten asan gamlenden buteja anin a bernan agganlude, dele janang Janggarda lingan anin r’u bernan opungte” (1 Korintia 14:2).

Nami manglingben Benjamin ambrij anabsittan atiyben asan Kitungan aitsuman. Angante Mojes absittale Benjamin a ompu, anin gudingle ‘Kitungan a tanimyiman’.

Karukkudan ayaman, a hangan adhimle Ben-Oni gamle, agaramgaman ‘danukkan a Onan’.

Bindo a U’an bandaale ahiman ‘Benjamin’, agaramgaman ‘jandru’um-sin a Onan’. Jaakub mijgal a onan dakuleja, ‘Benjamin sattang karukkudan dele kanan-lingan, Bethlemban. Aman tanimyim do aman bangsaale dakuten Hen abmele”.

Kitungan gudingle tanimyimdam gamle, ambendaman atiydamnaben dete abm’oihben abmele. Anin a m’oihten ambrij abara alumben dete. Angante amben agijte Kitungan a d’ong Jisun.

Do ateng babyele Kitungan gamle, Anin gamle: “Bar butente appailih, Am’n Hen ampara daku; Anin ansoi-Hen adnumdrenglih.

Iben asan gamlenden itente Anin a d’ong abm’oihte antate tordong ayam Hen lumtai”. Angante mandrengnaben Kitungan a man’oihan, Anin d’ongben adrumdrenge do akkaridae. Anin amben ampara dakuten do abdainataben anabsitta tiyle Benjamin ambrij. Kitungan jzbjzble Anin ampara adakunaben asan do anin ampara ayerayer manengba adakunaben abmele (1 Korintia 12:8-10).

Tanahimdam Kitungan a onagji, Bibol-lingan gamte ‘asuyem-lingan abasuben abmele’, kan ambrij English batte gadlalangten: ‘anablu-lingan adakunaben’. Kitungan sattang haadab anablun tiyte. Do Kitungan jzbjzble adarakunaban adakunaben asan dile tordong abmele!

Okiy Kinolbe absele: “Bar kuddub mandranji Marid Janggardan batte barij dean dole, engale Janggardan aninji a dong a oblengben tiyeten, etbele aninji dargam dargam sarrangan batte a oblengben susulenji” (Anappai 2:4).