Jul 31 – THUTHURAR AATER SATH

1 Thessalonika 4 :16 Kimkatho – Prabhu vuj hakkamer aatethin, moto sojar aatethin, Dever thuthurathin, swargethi vutharan avacha, jana Christhuma margejako agadiya jeevacha kan dekacha.

Yee jagema Theen pramukhyar khabar cha, vundema yek Adaman Havva srusti vero, deemo Yesu Christhu Vorvuj apaner paper vasu siluvama jaan dero, theenmo vuj Yesu Christhu hoto deemo haptha ayero.Prabhu kukan deemo haptha avajako kan 1 Thessalonika 4 :16 Kimkatho – Prabhu vuj hakkamer aatethin, moto sojar aatethin, Dever thuthurathin, swargethi vutharan avacha, jana Christhuma margejako agadiya jeevacha kan dekacha.

Thuthura kajako Juno Kararemar dadema yek mukhyavagi vethijako avajer cheej. Vimochaner grandh 19:16 vachanema Yisraeleval Canaaner adabima chalan jarejanna Sinayir gatlapar Dev prathyaksha vojana yee thuthurar aat ghatto samlayi kan vanchacha.

Vu aat samler sath votha vethejema ghano ghabrage, vu gatlapar veeje khavan massaj jada vajal phelaro jen ditte. Jethij jann sey yee Dev balero angaresariko cha kan vu Deven dhak padekan dekacha.

Ginthir grandh 10 adhyayama Yeej thuthuran Yisraelevalen yek jag gola karena Ajji kasen vupayoga karthey kan vanchacha. Yee thuthurar aat samler sath sey prathyaksha derar kan dagaryathe. Yekkaj thuthura vaanatho hazaarema phojevo yek jag dhasan avajathe. Lapan kanna yee thuthura massaj ghatto vajachko janna Yisraelevalen vu diyyer vajaler sthambhar laar sey deravun vodelden sey chejevun palden javunu kan aratham

Yeej thuthuran Juno Kararer dadema sthuti araadhana Karen vupayoga karthey. Asaap Geeden herdelayena yee thuthura vupayoga karnu kan Moser Dharamshasthrema cha. Geeder grandh 81:3 navvo chander dademan, niyam vojako apaner thevarer dadema, singher boorana phunkmaro.

Apan yee akharir dadema Prabhu avajana asmanema vaajajako thuthurar bagey tharsethi ghasan dekrecha. Sinayir gatlapar vutharoju ayeni lapan vu premethi anandethi kukadi vor pilpilavun gola karaju vu asmanema avajana gola karlacha.

Ajji jada dhyan Karen pado  Yovel 2 :15